ក្រុមហ៊ុនអាកាសចរថៃ ប្រកាសមិនលក់សំបុតឲ្យអ្នកធាត់ៗ ព្រោះរឿងមួយ

2018-03-17 06:29:39
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីដើមខែនេះ ក្រុមហ៊ុនអាកាសចររដ្ឋក្នុងប្រទេសថៃ បានប្រកាសថានឹងមិនលក់សំបុត្រយន្តហោះឲ្យភ្ញៀវណាដែលមានទំហំចង្កេះធំជាង ១៤៤ សង់ទីម៉ែត្រសម្រាប់ Business Class របស់យន្តហោះ Boeing ៧៨៧-៩នោះទេ។

លោក Pratthana Pattanasirim នាយកផ្នែកសុវត្ថិភាពនិងជើងហោះហើរ បានពន្យល់កាលពីម្សិលមិញថា កៅអី Business Class នៅលើយន្តហោះ Boeing ៧៨៧-៩ ត្រូវបានបំពាក់ជាមួយខ្សែក្រវាត់សុវត្ថិភាព និងប្រព័ន្ធពោងសុវត្ថិភាពថ្មី ដូច្នេះហើយអ្នកដំណើរដែលមានទំហំចង្កេះលើសពី ១៤៤ សង់ទីម៉ែត្រនឹងមិនអាចពាក់ខ្សែក្រវាត់បានទេ។

លោក Pratthana និយាយថា "ប្រសិនបើយើងអនុញ្ញាតមនុស្សឲ្យចូលក្នុង Businnes Class ហើយពួកគេមិនអាចពាក់ខ្សែក្រវ៉ាត់សុវត្ថិភាពបាន នោះអាកាសយានិកមិនអាចហោះហើរបានទេ ដោយសារតែវាមិនមានស្តង់ដារសុវត្ថិភាពត្រឹមត្រូវ ដូច្នេះយើងនឹងមិនលក់សំបុត្រដល់មនុស្សពួកគេទេ។”

គួរឲ្យដឹងថា ទោះបីជាមានការកំណត់ខាងលើសម្រាប់ Business Class យ៉ាងណាក្ដី ក្រុមហ៊ុនអាកាសចរថៃមិនមានការកំណត់ណាមួយសម្រាប់ Economy Class នោះទេ៕

ចុចអាន ៖

ប្រភព៖ Coconut ប្រែសម្រួល៖ រ័ត្ន