Gamer ប្រចាំ YouTube ទាំង ១០ រូប មានអ្នកគាំទ្រច្រើនបំផុត

2018-03-19 07:44:47
ចំនួនមតិ 0 | ចំនួនចែករំលែក 0

ចន្លោះមិនឃើញ

Gamer ជាពាក្យប្រើសម្គាល់លើអ្នកដែលមានជំនាញលេងហ្គេមយូរឆ្នាំ ហើយមាន Gamer ខ្លះបានយកទេពកោសល្យរបស់ខ្លួនទៅដាក់បង្ហាញលើ YouTube ដោយសង្ឃឹមថាអាចរកចំណូលបានពីការលេងហ្គេម។ នៅលើ YouTube មាន Gamer ជាច្រើនរូប ប៉ុន្តែ ១០ រូបខាងក្រោមនេះមានចំនួន Subscriber ច្រើនបំផុត ៖

១០. rezendeevil (១៥,៨ លាននាក់)

Pedro Afonso Rezende ជា YouTuber ឆ្នាំសញ្ជាតិប្រេស៊ីលដែលទទួលបានពានរង្វាន់ Nickelodeon Brazil Kids' Choice Award សម្រាប់ការលេងហ្គេមនៅឆ្នាំ ២០១៦។ បុរសវ័យ ២១ ឆ្នាំរូបនេះទទួលបានភាពល្បីល្បាញតាមរយៈការលេងហ្គេម Minecraft និង Resident Evil។

៩. DanTDM (១៨,២ លាននាក់)

Daniel Middleton ជាអ្នកលេងហ្គេមសញ្ជាតិអង់គ្លេសដ៏ជំនាញមួយរូប និង ទទួលបានភាពល្បីល្បាញតាមរយៈការលេងហ្គេម Minecraft។ នៅឆ្នាំ ២០១៧ Daniel ជាប់ជាតារា YouTube រកលុយបានច្រើនជាងគេ ជាមួយចំណូល ១៦,៥ លានដុល្លារ។

៨. Jacksepticeye (១៨,៤ លាននាក់)

Seán William McLoughlin ជាអ្នកបញ្ចេញមតិលើហ្គេម ដែលមានពោរពេញដោយថាមពលមួយរូប។ បុរសវ័យ ២៧ ឆ្នាំសញ្ជាតិអៀរឡង់រូបនេះ ទទួលបានភាពល្បីល្បាញក្រោយពី PewDiePie បានលើកឡើងពីឈ្មោះរបស់ខ្លួននៅក្នុងវីដេអូ។

៧. Markiplier (១៩,៨ លាននាក់)

Mark Fischbach ជាតារា YouTube រកចំណូលបានច្រើនជាងគេលំដាប់ទី ៤ នៅឆ្នាំ ២០១៧ (រកបាន ១២,៥ លានដុល្លារ)។ Mark ល្បីល្បាញតាមរយៈការធ្វើវីដេអូកំប្លែងៗលើហ្គេម និងការបង្កើតវីដេអូ Parody ពីហ្គេមជាដើម។

៦. Vegetta777 (២១,៥ លាននាក់)

Samuel de Luque Batuecas មកពីប្រទេសអេស្ប៉ាញមានឈ្មោះបោះសំឡេងតាមវីដេអូលេងហ្គេម Minecraft, Grand Theft Auto,Rainbow Six និង Resident Evil ជាដើម។

៥. VanossGaming (២២,៦ លាននាក់)

Evan Fong ដែលមានសញ្ជាតិកាណាដាជាតារា YouTube លំដាប់ទីពីររកចំណូលបានច្រើនជាងគេនៅឆ្នាំ ២០១៧ (ចំណូល ១៥,៥ លានដុល្លារ)។ វីដេអូភាគៗ "Funny Moments" ធ្វើឲ្យបុរសរូបនេះទទួលបានភាពល្បីល្បាញ បូករួមនឹងបច្ចេកទេសកាត់តវីដេអូបញ្ចូលគ្នាផងដែរ។

៤. JuegaGerman (២៥,២៥ លាននាក់)

Germán Garmendia ជាជនជាតិអាមេរិកឡាទីនដែលល្បីជាងគេ ដោយមានជំនាញជាអ្នកកំប្លែង, អ្នកលេងហ្គេម និង អ្នកសម្ដែង ហើយជាសមាជិកមួយរូបនៃក្រុមចម្រៀង Ancud។

៣. Fernanfloo (២៦,៨៩ លាននាក់)

Luis Fernando Flores ត្រូវបានគេស្គាល់ថាជាតារា YouTube ដែលតែងយកឆ្កែទៅបញ្ចូលក្នុងវីដេអូប្លែកៗរបស់ខ្លួន រួមមានវីដេអូលេងហ្គេមផងដែរ។ ក្រៅពី YouTube បុរសរូបនេះក៏មានហ្គេមផ្ទាល់ខ្លួនឈ្មោះថា Fernanfloo ដែលអាចដោនឡូដបានលើ App Store។

២. ElRubiusOMG (២៨ លាននាក់)

Rubén Doblas Gundersen ជាតារា YouTube សញ្ជាតិអេស្ប៉ាញ ដែលត្រូវបានគេស្គាល់តាមរយៈការលេងហ្គេមច្រើនប្រភេទ និងតាមរយៈការធ្វើវីដេអូ Vlog បង្ហាញពីជីវិតផ្ទាល់ខ្លួន។

១. PewDiePie (៦១ លាននាក់)

PewDiePie ដែលមានឈ្មោះពិត Felix Arvid Ulf Kjellberg ជាបុគ្គលរកចំណូលបានច្រើនជាងគេលំដាប់ទី ៦ នៅឆ្នាំ ២០១៧ (១២ លានដុល្លារ) និងជាគណនីដែលមានចំនួន Subscriber ច្រើនបំផុត។ ថ្មីៗនេះរូបគេបានពង្រីកនូវប្រភេទហ្គេមដែលខ្លួនលេង ប៉ុន្តែត្រូវបានគេស្គាល់ដំបូងតាមរយៈការបញ្ចេញមតិលើហ្គេម៕

ចុចអាន៖

ប្រភព៖ Businessinsider ប្រែសម្រួល៖ សុខហេង