នារីអូតេសវ័យ ៤២ ឆ្នាំ តែសម្រស់មិនចាញ់នាងក្រមុំៗ

2018-03-20 01:59:06
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកស្រី Jamie Chua គឺជានារីអូតេសដែលមានសម្រស់ស្រស់ស្អាត ហើយថែមទាំងមានរហស្សនាមថា «Rich Kids of Singapore» ទៀតផង បើទោះបីជាអ្នកស្រីមានកូនធំៗដល់ទៅ ២ នាក់ក្តី។

ជាមួយគ្នានេះ អ្នកស្រី Chua ក៏បានជាប់ឈ្មោះជា «Queen of Instagram» នៅក្នុងប្រទេសសិង្ហបុរីផងដែរ ដោយរូបថតល្អឥតខ្ចោះរបស់អ្នកស្រីនិមួយៗ ត្រូវថតដោយអ្នកបម្រើដែលតែងធ្វើដំណើរជាមួយអ្នកស្រី។

ទោះបីជាយ៉ាងណា អ្នកស្រី Chua ត្រូវបានគេស្គាល់ថាជាអតីតភរិយារបស់មហាសេដ្ឋីឥណ្ឌូនេស៊ីម្នាក់ មានឈ្មោះថា Nurdian Cuaca ដែលបានជួបគ្នានៅលើយន្តហោះ នៅពេលអ្នកស្រីមានអាយុទើបតែ ២០ ឆ្នាំ។ ក្រោយមកមិនយូរប៉ុន្មាន ពួកគេក៏បានរៀបការជាមួយគ្នា។ អ្នកស្រី Chua និងលោក Cuaca បានរៀបការជាមួយគ្នាអស់ ១៥ ឆ្នាំ និងមានកូន ២ នាក់ តែបានលែងលះគ្នាវិញ។

យោងតាមគេហទំព័រ Yahoo Singapore បានឲ្យដឹងថា ក្នុងអំឡុងពេលលែងលះគ្នា អ្នកស្រី Chua បានទាមទារ និង ឈ្នះប្រាក់ ៣៣២ ០០០ ដុល្លារក្នុងមួយខែ ដើម្បីមើលថែខ្លួនឯង និងកូនទាំង ២ នាក់។ ចាប់តាំងពីពេលនោះមក អ្នកស្រីបានផ្ដោតលើជីវិតគ្រួសារ ព្រមទាំងចំណាយប្រាក់រាប់លានដុល្លារដែលឈ្នះក្តីពីអតីតស្វាមី មកមើលថែសម្រស់ និងទិញសម្ភារៈប្រណីតៗជាច្រើន។

បើតាមគេហទំព័រ Lollipop បានឲ្យដឹងថា អ្នកស្រី Chua បានចំណាយប្រាក់ជាង ១០ ០០០ ដុល្លារក្នុងមួយខែ ដើម្បីថែរក្សាសម្រស់របស់ខ្លួន៕

ចង់ដឹងថាអ្នកស្រី Chua ស្រស់ស្អាតយ៉ាងណា ទៅទស្សនាទាំងអស់គ្នា៖