ពិតទេ សរសេរ BFF អត់ចេញពណ៌បៃតង ត្រូវប្តូរលេខសម្ងាត់ Facebook?

2018-03-21 03:08:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះពាក្យ “BFF” បានធ្វើឲ្យបណ្ដាញសង្គម Facebook ចលាចល រហូតមានអ្នកប្រើមួយចំនួនភ័យខ្លួននៅពេល Comment លើផុសនរណាម្នាក់ មិនចេញពណ៌បៃតង គិតថាគណនីនឹងត្រូវបានគេលួចយក។ តើវាជាការពិតដែរទេ?

អ្នកជំនាញផ្នែកសុវត្ថិភាពម្នាក់ សុំមិនបញ្ចេញឈ្មោះបានប្រាប់ Sabay ឲ្យដឹងថា "ពាក្យ “BFF” គ្រាន់តែជាវិធីបោកយក Like និង Share ដើម្បីឲ្យបានឡើង Like Pages តែប៉ុណ្ណោះ វាមិនប៉ះពាល់គណនីដល់ថ្នាក់គេលួចយកហ្វេកប៊ុកបាននោះទេ។"

ពាក្យ BFF នេះមិនដឹងមានប្រភពមកពីណាទេ ស្រាប់តែមានការចែករំលែកតគ្នាៗ។ ខ្ញុំឃើញគេផុសថា បើសរសេរពាក្យហ្នឹង អត់ចេញពណ៌បៃតង គេឲ្យប្ដូរ Password Facebook ទៅ បើមិនអីចឹងទេ Hacker នឹងលួចយកបានគ្រប់ពេល។

តាមពិតទៅវាគ្រាន់តែជា Text Colour ដែលជាកូដមួយដើម្បីអបអរ ដូចដែលហ្វេកប៊ុកធ្លាប់បានបើកឲ្យប្រើនៅពេលមានពិធីធំៗដូចជាពាក្យ "Congratulations", “you’re the best”, “best wishes” ឬ “you got this” នៅពេលសរសេរទៅ វាលោតជារូបកាំជ្រួចជាដើម។

ចំណែកលោកជៀប គន្ធាអ្នកបង្កើតកម្មវិធីទូរសព្ទម្នាក់ ក៏លើកឡើងមិនខុសពីអ្នកជំនាញខាងលើដែរ ពោលគឺ លោកថាជារឿងហួសចិត្តមួយដែលមានពួកឱកាសនិយម ឆ្លៀតបំពុលដើម្បីបាន Like Page ច្រើន។ "រឿងហ្នឹងវាអត់មានអីធំទេ គ្មាននរណាគេទៅ hack កណ្ដាលវាលអ៊ីចឹងទេ។" លោក គន្ធា បញ្ជាក់៖

អត្ថបទ៖ រក្សា