ស្ត្រីចំណាស់ម្នាក់ ប្រាប់អាថ៌កំបាំងសម្រកទម្ងន់ ៣០គីឡូ ត្រឹមពេល៣ខែ មិនបាច់ហាត់ប្រាណ

2018-03-23 02:26:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីចំណាស់ម្នាក់ រស់នៅទីក្រុងស៊ីដនីប្រទេស អូស្ត្រាលី បានប្រាប់អាថ៌កំបាំងដែលធ្វើឲ្យខ្លួនស្រកទម្ងន់អស់ ៣១,៥ គីឡូក្រាមក្នុងរយៈពេលបីខែដោយមិនចាំបាច់ហាត់ប្រាណ។

ដំបូងឡើយស្ត្រីឈ្មោះ Ana Reyes បានរកឃើញគេហទំព័រមួយឈ្មោះថា 123diet ដែលប្រាប់ពីផែនការបរិភោគអាហារមានសុខភាពល្អ និងសម្រកទម្ងន់តាមរយៈការបរិភោគអាហារធម្មជាតិ ដែលជួយបញ្ឈប់ការឃ្លានអាហារផ្អែមៗ។ ស្ត្រីខាងលើ ក៏ចាប់ផ្ដើមអនុវត្តតាម និងផ្តោតខ្លាំងទៅលើការណែនាំទាំងនោះ ហើយមិនដែលខកខានម្ដងណានោះទេ។

ស្ត្រីរូបនេះនិយាយថា "ក្នុងរយៈពេលនៃការសម្រកទម្ងន់នេះ ខ្ញុំតែងញ៉ាំផ្លែឈើសម្រាប់អាហារពេលព្រឹកដូចជា ផ្លែប៉ោម និង ស្ត្របឺរីជាមួយទឹកដោះគោយ៉ាអូធម្មតា។ ចំណែកអាហារថ្ងៃត្រង់របស់ខ្ញុំគឺ សាលាដដែលមានប្រូតេអ៊ីនច្រើន ហើយសម្រាប់អាហារពេលល្ងាចខ្ញុំញ៉ាំសាច់អាំង និងត្រី។”

“ខ្ញុំមិនដែលគិតថា ខ្ញុំនឹងមានរាងដូចនេះទេ។ ខ្ញុំពិតជាមានភាពរីករាយទាំងផ្លូវកាយ និងផ្លូវចិត្ត ហើយវាបានផ្លាស់ប្ដូរជីវិតខ្ញុំទាំងស្រុង។” ស្ត្រីខាងលើបន្ថែម។

ក្រោយពីទទួលបានលទ្ធផលគាប់ចិត្តដូច្នេះហើយ ស្ត្រីរូបនេះក៏បានណែនាំមនុស្សប្រហែល ១៥ ទៅ ២០ នាក់ផ្សេងទៀតឲ្យអនុវត្តតាមវិធីសាស្ត្រនេះដូចអ្នកស្រីដែរ ដើម្បីទទួលបានរាងដែលពួកគេប្រាថ្នា៕