ម្ដាយ កាកា និយាយអ្វីខ្លះពីកេរ្តិ៍ឈ្មោះកូន និងការឡើងសង្វៀនដំបូងៗ
- 2018-03-23 03:28:24
- ចំនួនមតិ 0 | ចំនួនចែករំលែក 0
ម្ដាយ កាកា និយាយអ្វីខ្លះពីកេរ្តិ៍ឈ្មោះកូន និងការឡើងសង្វៀនដំបូងៗ
ចន្លោះមិនឃើញ
ម្ដាយអ្នកប្រដាល់ល្បីឈ្មោះ កាកា ថា មិនសូវដឹងថាកូនល្បីដល់កម្រិតណានោះទេ ព្រោះមិនចេះលេង ឬប្រើហ្វេសបុសដូចគេ ធ្លាប់ឮត្រឹមគេថាកូនម្នាក់នេះវ៉ៃខ្លាំង។
អ្នកស្រី ពឹង រ៉ុម ម្ដាយរបស់ កាកា បានឲ្យដឹងថា មិនសូវជាដឹងច្បាស់ថាកូនអ្នកស្រីល្បីដល់ថ្នាក់ណានោះទេ គ្រាន់តែឧស្សាហ៍ឮគេសរសើរកូនវ៉ៃខ្លាំង និងពេលដើរទៅណាមកណាគេច្រើនសួរថាជាម្ដាយ កាកា។ ចំពោះកូនប្រុសវិញមិនចេះលាក់នោះឡើយ ឲ្យតែគេសួរថាម្នាក់នេះម្ដាយគឺប្រាប់គេហើយ។
ស្ត្រីវ័យ ៤២ឆ្នាំ ខាងលើបន្តថា អ្នកស្រីមិនបានបង្ខំឲ្យកូនឡើងវ៉ៃអ្វីនោះទេ គឺគេចង់ខ្លួនឯង និងមានទេពកោសល្យតាំងពីតូចផងដែរ។ រាល់ពេល អ្នកស្រីតែងប្រាប់កូនឲ្យខំប្រឹងប្រែងហ្វឹកហាត់ ប្រឹងប្រកួត មិនត្រូវប្រមាថលើដៃគូឡើយ។
អ្នកស្រី ពឹង រ៉ុម ជាម្ដាយ កាកា និង សុខ រិទ្ធិ បច្ចុប្បន្ននេះមានកូនប្រុស៣នាក់ ជាអ្នកខេត្តបន្ទាយមានជ័យ។ កាលពីប្រកួតជុំចុងក្រោយនៃវគ្គសន្សំពិន្ទុខ្សែក្រវាត់គូបូតា របស់ កាកា ថ្ងៃសុក្រ សប្ដាហ៍មុននេះក៏អ្នកស្រីបានមកជាមួយកូនផងដែរ៕