ស៊ីន យូប៊ីន កំពុងត្រូវប៉ាន់ជាពិធីការិនីនិយាយភាសាថៃ ដោយមានការជួយពីមនុស្សម្នាក់ (វីដេអូ)

2018-03-24 09:17:43
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយៈនេះ ក្រៅពីការងារមមាញឹកនឹងការថតខ្សែភាពយន្តសម្រាប់ទូរទស្សន៍ និងស្ប៉តពាណិជ្ជកម្ម យូប៊ីន ក៏កំពុងក្លាយខ្លួនជាពិធីការិនីក្នុងកម្មវិធីធំៗ ដែលមានការចូលរួមពីតារាថៃ ជាបន្តបន្ទាប់។

ពិធីសម្ពោធភាពយន្តខ្នាតធំ ខ្មែរ ថៃ និងឡាវ សម្តែងរួមគ្នា

ការចូលខ្លួនក្នុងការងារជាពិធីករនេះជាក្តីស្រមៃមួយទៀតរបស់ យូប៊ីន ហើយពេលនេះកញ្ញាបានធ្វើការងារនេះនៅលើឆាកតន្រ្តី និងឆាកកម្មវិធីសម្ពោធរឿងមួយចំនួន។ ទាំងនេះដោយសារតារាស្រីរូបនេះមានជំនាញភាសាថៃបន្ទាប់បន្សំផងនោះ ទើបទទួលបានឱកាសជាពិធីករផង និងជាអ្នកបកប្រែភាសាថៃ ផងសម្រាប់កម្មវិធី ដែលមានការចូលរួមដោយតារាសម្តែងជនជាតិថៃ។ «ដល់ពេលយើងចេះភាសាថៃខ្លះទៅក៏មានឱកាស ហើយម្យ៉ាងខ្ញុំក៏មានបំណងក្លាយខ្លួនជាពិធីករដែរ ចឹងហើយធ្វើការម្តងទាំងពីរមុខទៅ» កញ្ញា ស៊ីន យូប៊ីន បញ្ជាក់។

យូប៊ីន ត្រៀមភាសាថៃមុន ពេលឡើងឆាក

យូប៊ីន ប្រាប់ឱ្យដឹងដែរថា ភាសាថៃ គឺកញ្ញាឆ្លៀតពេលរៀនណាស់ ហើយប្រើពេលវេលាជាច្រើនខែទាំងការរៀនសរសេរ អាន និងស្តាប់ ហើយក៏មានការជំរុញពី វៃហាំង ដែលជាតារាសម្តែងដៃគូរបស់ខ្លួនដែរ។ ភាគច្រើនទាំងពីរនាក់ក៏ជួយគ្នាលើការរៀនភាសាថៃទៅវិញទៅមក ដោយសារមានការងារជាមួយគ្នាច្រើន ហើយវៃហាំងក៏មានជំនាញភាសាថៃនេះច្រើនគួរសមដែរ ទើបអាចធ្វើឱ្យ យូប៊ីន រៀនឆាប់ចេះ។

យូប៊ីន និងវៃហាំង ដំណើរទៅសិង្ហបុរី

ក្រៅពីភាសាថៃ យូប៊ីន ក៏មានអាចនិយាយភាសាអង់គ្លេសបានល្អ និងភាសាចិន ច្រើនគួរសម ទើបនាងមានឱកាសទៅដើរកម្សាន្តក្រៅប្រទេសបានដោយងាយស្រួល។ យូប៊ីន បន្តថា ទោះរវល់ប៉ុណ្ណា ការឈប់សម្រាកលំហែកាយ និងការរៀនសូត្របន្ថែមជាគោលការណ៍រស់នៅរបស់ខ្លួន ព្រោះមនុស្សយើងមិនត្រូវធ្វើអ្វីដដែលនោះទេ យើងត្រូវបន្តទៅមុខ ហើយរៀនអ្វីដែលថ្មីរហូត៕

អត្ថបទ៖ Sunny