ល្ងាចនេះ អាហ្វហ្គានីស្ថានសងសឹកកម្ពុជា

2018-03-26 23:07:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ជម្រើសជាតិអាហ្វហ្គានីស្ថានដល់ពេលសងសឹកក្រុមបាល់ទាត់ជម្រើសជាតិកម្ពុជាហើយ បន្ទាប់ពីចាញ់ក្រុមកម្ពុជាដោយលទ្ធផល ១-០ កាលពីជើងទី១ថ្ងៃទី១៣ ខែមីនា ឆ្នាំ២០១៧នៃយុទ្ធនាការពានរង្វាន់ AFC Asian Cup ពូល C។

ក្រុមកម្ពុជា

កាលពីជើងទី១ នៅចាំថា កម្ពុជាបានយកឈ្នះអាហ្វហ្គានីស្ថានដោយលទ្ធផល ១-០ នៅពហុកីឡដ្ឋានជាតិក្នុងរាជធានីភ្នំពេញ។ គ្រាប់បាល់ជ័យជម្នះនេះរកបានដោយកីឡាករ ប្រាក់ មុន្នីឧត្តម នៅនាទីទី៥៩ និងស្ថិតក្រោមការដឹកនាំរបស់លោកគ្រូបង្វឹកជនជាតិប្រេស៊ីល Leonardo Vitorino។

សម្រាប់ជើងទីពីរនេះជាការប្រកួតបង្គ្រប់កិច្ចរបស់កម្ពុជាដោយសារធ្លាក់បាត់ហើយ ប៉ុន្តែវាជាការប្រកួតសំខាន់ដដែលសម្រាប់លោកគ្រូ ប្រាក់ សុវណ្ណារ៉ា។ លោកប្រាប់ថា ថ្វីបើកម្ពុជាធ្លាក់ពីពាន AFC Asian Cup ហើយក្តី តែនៅតែសំខាន់សម្រាប់ក្រុមរបស់លោក។ កម្ពុជាត្រូវតែធ្វើឲ្យបានល្អដើម្បីរក្សាចំណាត់ថ្នាក់ល្អនៅ FIFA Ranking។

ក្រុមអាហ្វហ្គានីស្ថាន

ចំណែកលោក Otto Pfister គ្រូបង្វឹកជម្រើសជាតិអាហ្វហ្គានីស្ថានបាននិយាយក្នុងសន្និសីទកាសែតថា ក្រុមរបស់លោកបានហ្វឹកហាត់ធម្មតាដូចសព្វមួយដង ប៉ុន្តែសង្ឃឹមថា ធ្វើបានល្អដោយទទួលបានជ័យជម្នះលោកក្រុមកម្ពុជា។ ចំណែកប្រធានក្រុមរបស់អាហ្វហ្គានីស្ថាននិយាយថា ប្រកួតចុងក្រោយជាមួយកម្ពុជាចាញ់ ដូច្នេះក្រុមរបស់គេត្រូវតែឈ្នះការប្រកួតថ្ងៃនេះ។

ការប្រកួតបង្គ្រប់កិច្ចនឹងចាប់ផ្ដើមវេលាម៉ោង៤រសៀល នៅទឹកដីកណ្តាល តាជីគីស្ថាន វេលាម៉ោង១៦ (៤ល្ងាច)៕

អត្ថបទ៖ ជាន ចាន់រ៉ា