គ្មានថ្ងៃជនទីបី អាចលួចព័ត៌មាន Facebook អ្នកបានទេ បើចង់ការពារ មានវិធីងាយៗ!

2018-03-27 01:43:51
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងរ៉ាវជុំវិញការប្រមូលទិន្នន័យរបស់ក្រុមហ៊ុន Cambridge Analytica បានបង្កើតបញ្ហាឈឺក្បាលដល់ Facebook ជាងមួយសប្តាហ៍មកហើយ រហូតដល់ នាយកប្រតិបត្តិលោក Mark Zuckerberge ចេញមុខសុំទោសអ្នកប្រើប្រាស់ជាសាធារណៈ។

ទិន្នន័យព័ត៌មានជាង ៥០ លានគណនី ត្រូវបានក្រុមហ៊ុនខាងលើលួចយកទៅប្រើប្រាស់ក្នុងគោលបំណងកេងចំណេញផលប្រយោជន៍លើការបោះឆ្នោតជ្រើសរើសប្រធានាធិបតីអាមេរិកកាលពីចុងឆ្នាំ ២០១៦។

ដើមចមទាំងនេះកើតចេញពីការមិនចាប់អារម្មណ៍របស់អ្នកប្រើប្រាស់ ទៅលើការអនុញ្ញាត Login គណនីភ្ជាប់ជាមួយ App ឬគេហទំព័រណាមួយ ដោយមិនពិនិត្យឲ្យបានដិតដល់។ កត្តានេះទៀតសោត ក៏ជាការត្រួសត្រាយផ្លូវឲ្យក្រុម Developer លុកលុយនូវរាល់ទិន្នន័យទាំងឡាយ មិនថាទីតាំង ចំណូលចិត្ត និងការប្រើប្រាស់មួយចំនួនផ្សេងទៀត។

+វិធីបិទ Facebook API Sharing លើស្មាតហ្វូន:

បើកកម្មវិធី Facebook ចូលទៅ Settings > Account Settings

អូសមកក្រោមចុចត្រង់ពាក្យ Apps

រើសយក Apps Others Use ដោយត្រង់ចំណុចនេះ វានឹងបង្ហាញពីប្រភេទទិន្នន័យដែលអ្នកចង់បើកឲ្យប្រភេទគេហទំព័រឬ App ណាមួយ អាចចាប់យកបាន (គួរដកគ្រីសចេញទាំងអស់ឬរំលងទៅជំហានបន្ទាប់)

ថយមកក្រោយរើសយក Platform > ត្រង់ពាក្យ App and Websites > ចុចយកពាក្យ Edit បន្ទាប់មកចុច Turn Off Platform ដើម្បីបិទដំណើរការទាំងអស់មិនអនុញ្ញាតឲ្យគណនីអ្នកភ្ជាប់ទៅកាន់ App ឬគេហទំព័រណាមួយបាន

+វិធីបិទ Facebook API Sharing លើកុំព្យូទ័រ:

សម្រាប់ Destkop សូមចូលទៅកាន់ Settings > Apps

ត្រង់ Apps Other Use > រើសយក Edit (អនុវត្តដូចលើ Mobile) > ចុចពាក្យ Save

ដើម្បីបិទ API Sharing > រើសយក Apps, Websites and Plugins > ចុចយក Disable Platform ជាការស្រេច

រំឭកថាការបិទដំណើរការ Facebook API Sharing ជាមធ្យោបាយមិនបើកឲ្យទិន្នន័យទាំងឡាយក្នុង Facebook មានការបែកធ្លាយទៅកាន់ជនទីបី ប៉ុន្តែតាមប្រភេទកម្មវិធីឬគេហទំព័រខ្លះ ក៏មានវិធីផ្សេងបើកឲ្យអ្នកធ្វើការ Login ជាមួយ Email ម្ល៉ោះអាចថាចំណុចនេះក៏ជាដំណោះស្រាយដ៏សមប្រកបមួយផងដែរ។