ពែងកាហ្វេពិសេស ទំនើបហួស អាចកម្តៅកាហ្វេពីព្រឹកទល់ល្ងាច តែតម្លៃវិញ....

2018-03-27 03:42:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនបើអ្នកជាមនុស្សដែលចូលចិត្តពិសាកាហ្វេនៅពេលព្រឹកនោះ អ្នកប្រហែលជាដឹងថាពេលដែលកាហ្វេដែលខ្លួនទើបហ្នឹងឆុងហើយក្ដៅៗ ស្រាប់តែមួយភ្លែតក្រោយមកក៏ត្រជាក់ស្រេបរកផឹកអស់មិនទាន់។ ប៉ុន្តែ ឥឡូវនេះក្រុមហ៊ុន Ember ដែលមានឈ្មោះល្បីផ្នែកផលិតពែង និងដបកាហ្វេនោះបានបញ្ចេញពែងកាហ្វេអគ្គិសនីដែលអាចរក្សាកម្ដៅកាហ្វេអ្នកបានដោយការបញ្ជាតាមទូរស័ព្ទដៃផ្ទាល់តែម្ដងដោយប្រើ Ember App ដែលមានទាំងលើ iOS និង Android។

ពែងនេះមានឈ្មោះថា Ember Ceramic Mug។ វាមានរាងសាមញ្ញបំផុតដូចទៅហ្នឹងពែងធម្មតាអញ្ចឹងដោយមានវិមាត្រ 82mm x 106 mm x 109 mm។ វាមានចំណុះប្រហែល 300ml (10 oz) ហើយលក្ខណៈពិសេសរបស់វាគឺ sensor ដែលអាចចាប់យកថាកែវរបស់អ្នកមានភេសជ្ជៈក្នុងហ្នឹងឬអត់ ហើយនឹងបង្ហាញសីតុណ្ហភាពឲ្យអ្នកអាចកំណត់បានតែម្ដងតាមរយៈទូរស័ព្ទដៃដោយប្រើ ប្រព័ន្ធ Bluetooth។ និយាយពីថាមពលថ្មវិញ វាអាចដំណើរការបានពី 1ម៉ោង កន្លះ ទៅ 2 ម៉ោង ប៉ុន្តែអ្នកអាចប្រើជើងទម្ររបស់វាផ្ទាល់ ដែលដោតជាមួយខ្សែ ហើយកម្ដៅភេសជ្ជៈរបស់អ្នកពេញមួយថ្ងៃតែម្ដង។ ចំណុចពិសេសមួយទៀត គឺវាមានភ្លើង LED ដ៏ស្រស់ស្អាត ដែលអាចផ្លាស់ប្ដូរបានតាមរយៈ App របស់ Ember ផ្ទាល់។