iPad ស៊េរីថ្មី ចេញយប់មិញឡើងឡូយ តែ Fan ដាច់ផ្ងាររឿងមួយទៅវិញ

2018-03-28 02:57:59
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple ទើបតែបញ្ចេញ The New iPad ទំហំ ៩.៧ អ៊ីញ ស៊េរីថ្មីនៅក្នុងព្រឹត្តិការណ៍របស់ខ្លួននាឯក្រុង ឈីកាហ្កូ កាលពីយប់មិញនេះ។ The New iPad ជំនាន់ថ្មីមានតម្លៃចាប់ពី ៣២៩ ដុល្លារ ឡើងទៅអមជាមួយនឹងបន្ទះឈីប A10 Fusion ដូចទៅហ្នឹង iPhone 7 ដែរ។

អ្វីដែលពិសេសនោះ គឺ The New iPad បានបំពាក់មកជាមួយនូវបច្ចេកវិទ្យាដូចទៅនឹង iPad Pro ដែរគឺ Tilt and Pressure និង High-Resolution Touch System ដែលអាចឲ្យអេក្រង់ The New iPad ប្រើជាមួយនឹង Apple Pencil បាន។ ប៉ុន្តែ Apple លែងមួយក្បាច់ដាច់ផ្ងារ ដោយ Apple Pencil មិនមានស្រាប់មកក្នុងប្រអប់ឡើយ ពោលគឺត្រូវទិញក្រៅថែមខ្ទង់ ១០០ដុល្លារទៀត។

យ៉ាងណាមិញ ដោយសារការបំពាក់ បន្ទះឈីប A10 Fusion មក ធ្វើឲ្យ The New iPad នេះអាចគាំទ្រជាមួយបច្ចេកវិទ្យា AR បានយ៉ាងរលូន។

វាមានកាមេរ៉ាក្រោយទំហំ ៨ Megapixel ជាមួយនឹងកម្លាំងថ្មប្រើបាន ១០ម៉ោង និងទម្ងន់ស្រាលត្រឹមតែ ៤៦៩ក្រាមនោះ នាំឲ្យអ្នកប្រើប្រាស់មិនបាច់ភ័យបារម្ភយកឆ្នាំងសាកតាមខ្លួនរាល់ពេល ឬចុករោយស្មា និងដៃពេលប្រើយូរម៉ោងឡើយ។ The New iPad ក៏ភ្ជាប់មកជាមួយនឹងបច្ចេកវិទ្យា LTE ដែលអាច download ទិន្នន័យ បានដល់ទៅ ៣០០ Mbps ផងដែរ។

The New iPad នឹងទទួលការបញ្ជាទិញចាប់ពីថ្ងៃអង្គារ នេះ ហើយនឹងអាចទទួលបានក្នុងសប្ដាហ៍នេះតែម្ដង ដោយតម្លៃចាប់ពី ២៩៩ដុល្លារ (សម្រាប់ខាងសាលា) និង ៣២៩ដុល្លារ សម្រាប់អ្នកប្រើប្រាស់ទូទៅ។

ចុចអាន៖

ប្រភព៖ Cnet ប្រែសម្រួល៖ ផាត សុវត្ថិ