រឿងភាគរបស់ Luhan និងគូស្នេហ៍មិនទាន់ចេញផង អ្នកគាំទ្រលែងចង់មើលបាត់

2018-03-28 02:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

“Sweet Combat” ជាខ្សែភាពយន្តភាគថ្មីដែលផលិតឡើងដោយទូរទស្សន៍ Mango Tv និងផលិតកម្ម Jinxi។ រឿងភាគថ្មីនេះដែរមានចំនួន ៣៨ភាគ ហើយជាការសម្ដែងដោយគូស្នេហ៍តារាវ័យក្មេង Lu Han និង Guan Xiaotong។

នៅពេលដែលតារាចម្រៀង Lu Han និងតារាសម្ដែង Guan Xiaotong បង្ហាញវត្តមានក្នុងវីដេអូខ្លី នៃរឿងភាគថ្មីមួយនេះភ្លាម មនុស្សជាច្រើនបានសម្ដែងការមិនពេញចិត្តជាមួយតួអង្គដ៏ទន់ខ្សោយរបស់ Lu Han ដែលពឹងតែលើមិត្តស្រីឲ្យការពារលោក។ ពួកគេបានបញ្ចេញមតិថា Guan Xiaotong ដើរតួជាមនុស្សប្រុសក្នុងទំនាក់ទំនងស្នេហារបស់នាង។ ជាងនេះទៅទៀត ពួកគេបានចំអកថា សូម្បីតែមិត្តស្រីរបស់លោក (Luhan) ក៏មើលទៅមានភាពជាមនុស្សប្រុសជាងលោកដែរ។ អ្នកគាំទ្រទាំងនោះក៏បានយល់ស្របគ្នាថា Lu Han មិនស័ក្ដិសមដើរតួជាអ្នកប្រដាល់នោះទេ។

តាមមនុស្សម្នាក់បាននិយាយថា៖ "ខ្ញុំជាអ្នកគាំទ្រ Lu Han អស់រយៈពេល ៥ឆ្នាំមកហើយ ប៉ុន្តែចំពោះរឿងមួយនេះខ្ញុំមិនមើលទេ ទោះបីជាត្រូវសម្លាប់ខ្ញុំចោលក៏ដោយ"។

អ្នកប្រើបណ្ដាញអ៊ីនធឺណិតម្នាក់ទៀតក៏បាននិយាយដែរថា៖ "រឿងនេះមើលទៅដូចជាចាស់គំរឹល ដូចជារឿងថតកាលពី១០ឆ្នាំមុន"។

“Sweet Combat” គឺជារឿងភាគទីមួយរបស់គូស្នេហ៍មួយគូនេះដែលបានសម្ដែងរួមគ្នា គិតតាំងពីទំនាក់ទំនងរបស់ពួកគេបានបើកចំហជាសាធារណៈមក។ ដោយសារមានមតិរិះគន់ជាច្រើនមុនពេលចាក់បញ្ចាំងបែបនេះ នៅថ្ងៃមុខ អាចជាប្រការមួយដែលគួរឲ្យព្រួយបារម្ភខ្លាំង៕

ទស្សនាវីដេអូខ្លីរឿងថ្មីមួយនេះខាងក្រោម៖