សាហាវ! ប្រកាសរើសបុគ្គលិកនៅស្ថានីយរថភ្លើង១កន្លែង មានអ្នកដាក់ពាក្យជាង ២៥លាននាក់

2018-04-01 07:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សច្រើនជាង ២៥លាននាក់ បាននាំគ្នាសម្រុកដាក់ពាក្យធ្វើការនៅស្ថានីយរថភ្លើងរដ្ឋ ក្នុងប្រទេសឥណ្ឌា កាលពីពេលថ្មីៗ ដែលនេះជាតួលេខមួយដ៏ច្រើនលើសពីការរំពឹងទុករាប់រយដងឯណោះ។

ស្ថានីយរថភ្លើងរដ្ឋរបស់ឥណ្ឌាមួយនេះ បច្ចុប្បន្នមានបុគ្គលិកប្រមាណជា ១,៣លាននាក់ ហើយកាលពីខែកុម្ភៈមុនបានប្រកាសរើសបុគ្គលិកបន្ថែមចំនួន ៩ម៉ឺននាក់ទៀត។ លោក Ashwani Lohani នាយកគ្រប់គ្រងស្ថានីយរថភ្លើង បានឲ្យដឹងថា ថ្ងៃផុតកំណត់ទទួលពាក្យគឺនៅថ្ងៃទី៣១ ខែមីនា ឆ្នាំ២០១៨នេះ ប៉ុន្តែមកទល់នឹងពេលនេះមានអ្នកដាក់ពាក្យច្រើនដល់ទៅ ២៥លាននាក់ហើយ។

ចំណែកលោក Mahesh Vyas នាយកប្រតិបត្តិមជ្ឈមណ្ឌលត្រួតពិនិត្យសេដ្ឋកិច្ចឥណ្ឌា បាននិយាយថា ចំនួនដាក់ពាក្យដ៏ច្រើននេះគឺជារឿងស្មុគស្មាញ ហើយអាចជាការបង្ហាញថា ពលរដ្ឋឥណ្ឌាជាច្រើនមិនទាន់មានការងារធ្វើគ្រប់គ្រាន់នៅឡើយទេ។ មួយវិញទៀត វាក៏ជាការឆ្លុះបញ្ចាំងដែរថា ប្រជាជនឥណ្ឌាចង់ចូលធ្វើការងាររដ្ឋជាងការងារឯកជន ដែលនេះជារឿងមួយគួរតែមានដំណោះស្រាយ៕