កម្សត់ណាស់! ប៉ារូលបទចម្រៀងថ្មីរបស់ The Weeknd រៀបរាប់ពីការបែកបាក់ស្នេហាជាមួយ Selena (វីដេអូ)
- 2018-04-01 02:10:53
- ចំនួនមតិ 0 | ចំនួនចែករំលែក 0
កម្សត់ណាស់! ប៉ារូលបទចម្រៀងថ្មីរបស់ The Weeknd រៀបរាប់ពីការបែកបាក់ស្នេហាជាមួយ Selena (វីដេអូ)
ចន្លោះមិនឃើញ
ទោះបីជាមានទំនាក់ទំនងជាមួយគ្នាបានត្រឹមរយៈពេលខ្លីក៏ដោយ ប៉ុន្តែ តារាចម្រៀង The Weeknd នៅតែមានការឈឺចាប់ នៅពេលដែលតារាចម្រៀង Selena Gomez បានវិលត្រឡប់ទៅរកស្នេហ៍ចាស់ជាមួយ Justin Bieber វិញនោះ។
ដើម្បីបង្ហាញពីការខូចចិត្តរបស់លោក តារាចម្រៀងរូបនេះបានរៀបរាប់ការឈឺចាប់ទាំងប៉ុន្មានក្នុងប៉ារ៉ូលបទចម្រៀងក្នុងអាល់ប៊ុមថ្មី "My Dear Melancholy” របស់លោកដែលទើបតែបានចេញកាលពីប៉ុន្មានថ្ងៃមុននេះ។
នៅក្នុងបទចម្រៀងមួយដែលមានចំណងជើងថា "Call Out My Name” តារាចម្រៀង R&B រូបនេះបានច្រៀងថា៖ "We found each other. I helped you out of a broken place. You gave me confort, but falling for you was my mistake.” ដែលប្រែជាភាសាខ្មែរថា៖ "ពួកយើងបានរកឃើញគ្នា។ ខ្ញុំបានជួយនាងឲ្យរួចផុតពីកន្លែងដែលឈឺចាប់។ នាងបានផ្ដល់សេចក្ដីសុខដល់ខ្ញុំ ប៉ុន្តែលង់ចិត្តស្រឡាញ់នាងគឺជាកំហុសរបស់ខ្ញុំ"។
គ្រាន់តែប៉ុន្មានឃ្លានេះ អ្នកគាំទ្របានដឹងរួចមកហើយថា អ្វីដែលបានរៀបរាប់ក្នុងបទចម្រៀងមួយនេះ គឺនិយាយពីការស្រឡាញ់របស់លោកចំពោះតារាចម្រៀង Selena Gomez។
តារាចម្រៀង The Weeknd និង Selena Gomez បានផ្ដាច់ចំណងស្នេហាជាមួយគ្នាកាលពីខែតុលា ក្នុងឆ្នាំ ២០១៧ ខណៈតារាចម្រៀងស្រីរូបនេះ បានវិលត្រឡប់ទៅរកស្នេហ៍ចាស់របស់នាងជាមួយ Justin Bieber សារជាថ្មី៕
ទស្សនាបទចម្រៀងខាងក្រោមនេះ៖
ចុចអាន៖
The Weeknd លុបរូបភាព និងអ្វីៗទាំងអស់ទាក់ទងនឹង Selena គ្មានស្ដាយស្រណោះ
Fan ភ្ញាក់មិនស្ទើរ ពេល The Weeknd ចេញអាល់ប៊ុមថ្មីភ្លាមៗ ដោយមិនប្រាប់មុន