Justin ទំនងសប្បាយចិត្ត ពេល The Weeknd ដាក់ Selena ចំៗក្នុងបទចម្រៀងថ្មី

2018-04-01 02:59:16
ចំនួនមតិ 0 | ចំនួនចែករំលែក 0

ចន្លោះមិនឃើញ

បទចម្រៀងថ្មី "Call Out My Name” របស់តារាចម្រៀង The Weeknd កំពុងតែក្លាយជាប្រធានបទក្ដៅគគុករបស់អ្នកគាំទ្រ ព្រោះថាបទថ្មីមួយនេះគឺនិពន្ធឡើងសម្រាប់ឌឺដងដាក់តារាចម្រៀង Selena Gomez ខណៈនាងបែកចិត្តពីតារាចម្រៀង R&B រូបនេះ ដើម្បីត្រឡប់ទៅរកគូស្នេហ៍ចាស់ Justin Bieber វិញ។

ជាចៃដន្យ ក្នុងថ្ងៃតែមួយជាមួយថ្ងៃដែលចេញបទចម្រៀងនោះ តារាចម្រៀង Justin Bieber ត្រូវបានប្រទះឃើញដើរនៅតាមផ្លូវជាមួយនឹងស្នាមញញឹមស្រស់ស្រាយលើមុខខុសពីរាល់ដង។ ជាមួយនឹងស្នាមញញឹមបែបនេះ អ្នកគាំទ្របានដាក់ការសង្ស័យថា តារាចម្រៀងរូបនេះ អាចនឹងចាប់អារម្មណ៍ ឬបានស្ដាប់ចម្រៀងថ្មីរបស់ The Weeknd ទើបធ្វើឲ្យលោកសប្បាយចិត្តបែបនេះ។

ទោះបីជាបញ្ចប់ទំនាក់ទំនងជាមួយ The Weeknd ដើម្បីវិលត្រឡប់ទៅរក Justin Bieber វិញក្ដី ចំណងស្នេហ៍រវាងតារាចម្រៀង Selena Gomez ជាមួយនឹង Justin Bieber ក៏នៅតែមិនទាន់ទៅមុខ ខណៈពេលថ្មីៗនេះ ពួកគេបានផ្ដាច់ទំនាក់ទំនងគ្នានោះ៕

ចុចអាន៖

ប្រភព៖ Kenh14 ប្រែសម្រួល៖ អន សុភក្ត្រា