មុខងារសម្ងាត់ ៥ យ៉ាង អ្នកទើបប្រើ iPhone ថ្មីថ្មោងគួរដឹង

2018-04-02 23:03:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណើរការក្នុងប្រព័ន្ធប្រតិបត្តិ iOS លើឧបករណ៍ iPhone/iPad តែងមានមុខងារសម្ងាត់ជាច្រើន ដែលផ្តល់អត្ថប្រយោជន៍ដល់អ្នកប្រើប្រាស់ ប៉ុន្តែក៏មានអ្នកប្រើប្រាស់មួយចំនួនពោលគឺទើបតែប្តូរមកប្រើ iPhone ដំបូង អាចមិនទាន់ដឹងច្បាស់ពីមុខងារទាំងនោះ។ Sabay ចែករំលែកឲ្យស្គាល់ពីមុខងារសំខាន់ ៥ យ៉ាងជួយឲ្យការប្រើប្រាស់កាន់តែធំទូលាយ។

១.ការស្វែងរកកម្មវិធី (App) បានរហ័ស:

មិនថាស្ថិតនៅលើផ្ទៃ Homescreen ក៏អ្នកប្រើប្រាស់អាចចូលទៅកាន់របារស្វែងរក Spotlight បាន ដោយគ្រាន់អូសមកក្រោមនៅលើផ្នែកអេក្រង់។ ធ្វើបែបនេះ អ្នកមានសិទ្ធ Search រកកម្មវិធី-ហ្គេមណាមួយ បានរហ័ស ដោយត្រឹមបញ្ចូលដើមតួអក្សរ។

២.ផ្ញើរូបទៅ iPhone ដទៃបានរហ័សបំផុត:

អ្នកអាចធ្វើការផ្ទេរចេញទាំងរូបភាព ឯកសារ និងវីដេអូ ទៅកាន់ ឧបករណ៍ iPhone/iPad ដទៃតាមរយៈមុខងារ AirDrop។ ដើម្បីដឹងពីវិធីប្រើប្រាស់សូមចុច ត្រង់នេះ។

៣.បង្កើតប្រភេទរំញ័រ (Vibration) ដោយខ្លួនឯង:

អ្នកតែងទទួលសារចេញពីកម្មវិធី ឬ Email ជាញឹកញយ ហើយធម្មតារំញ័រនឹងលោតចេញព្រមគ្នានៅពេលនោះ។ បើចង់ចែកឲ្យដាច់ដោយឡែកពីគ្នា អ្នកប្រើប្រាស់អាចបង្កើត Vibrate ដោយខ្លួនឯងបាន ចុចចូលទៅ Settings > Sounds > (Choose a Notification Type) > Vibration អូសមកក្រោមរើសយក Create New Vibration និងធ្វើតាមការណែនាំ។

៤.ពង្រីកទំហំតួអក្សរ:

ជួនកាលអក្សរបង្ហាញលើអេក្រង់មានទំហំតូច ពិបាកក្នុងការមើល ជាពិសេសប្រភេទស្មាតហ្វូនអេក្រង់តូចដូចជាម៉ូឌែល iPhone 5s ឬ iPhone SE។ មធ្យោបាយងាយៗ គ្រាន់ចូលទៅកាន់ Settings > General > Accessibility > Larger Text និងពង្រីកឬបង្រួមទំហំតួអក្សរទៅតាមការពេញចិត្តរបស់អ្នក។

៥.បង្រួមទំហំ Keyboard ឲ្យប្រើបានត្រឹមដៃម្ខាង:

ពិតណាស់ដែលទំហំអេក្រង់ iPhone កាន់តែធំ កាន់តែជាជម្រើសល្អក្នុងការប្រើប្រាស់ ឧទាហរណ៍ដូចជាម៉ូឌែល Plus អ្នកប្រើប្រាស់ទាមទារឲ្យប្រើដៃទាំងពីរក្នុងការវាយ Keyboard។ សំណាងល្អក្រុមហ៊ុន Apple ក៏បើកមុខងារពិសេស One Handed Keyboard ស្ថិតក្នុង Settings > General > Keyboards ភ្លាមនោះទំហំក្តារចុចនឹងបង្រួមឲ្យតូចទៅផ្នែកឆ្វេងឬស្តាំ។

-->Sabay ត្រូវការរើស 5 Corporate Sales Executives ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW