Taylor Swift ពញ្ញាក់អ្នកទស្សនា ដោយសម្ដែងនៅហាងកាហ្វេមួយកន្លែង

2018-04-02 02:56:16
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃសៅរ៍ ទី៣១ ខែមីនា តារាចម្រៀង Taylor Swift បានពញ្ញាក់អ្នកគាំទ្រប្រហែល ៤០នាក់ ក្នុងការបង្ហាញវត្តមាននៅលើឆាកប្រគំតន្ត្រីភ្លាមៗ នៅឯហាងកាហ្វេ Bluebird ក្នុងទីក្រុង Nashville ដែលជាកន្លែងដែលនាងធ្វើការងារជាលើកដំបូង។

ជាមួយនឹងអាវកក្អមពណ៌ខ្មៅ តារាស្រីរូបនេះ បានទទួលការស្វាគមន៍ជាច្រើនពីសំណាក់ភ្ញៀវដែលបានចូលរួម ខណៈនាងត្រូវគេប្រកាសវត្តមាននៅលើឆាក។ នេះបើតាមកាសែត The Tennessean បានបញ្ជាក់។ ការបង្ហាញខ្លួននោះដែរ នាងបានសម្ដែងជាមួយសាច់ភ្លេងផ្ទាល់នៃបទចម្រៀងដ៏ល្បីរបស់នាង "Shake It Off” និង "Love Story”។

ក្រៅពីបទល្បីទាំង២នេះ នាងក៏បានច្រៀងបទ "Better Man” របស់ក្រុម Little Big Town ដែលជាបទដែលនាងនិពន្ធផ្ទាល់។ ក្រោយពីចប់ការសម្ដែង នាង និងរៀមច្បងជាដៃគូ បានផឹកស្រាដែលមានក្នុងកែវរបស់ពួកគេ។ តាមកាសែត The Tennessean បាននិយាយទៀតថា នៅពេលពួកគេផឹកអស់ រៀមច្បងរូបនោះ បានយកដបស្រាទទេរបស់នាង ហើយនិយាយលេងថាលោកនឹងលក់វា ព្រមទាំងបរិច្ចាគលុយទាំងអស់ឲ្យអង្គការសប្បុរសធម៌។

គួរបញ្ជាក់ដែរថា ការសម្ដែងរបស់តារាចម្រៀង Taylor Swift នៅទីនោះ នឹងត្រូវថតទុកជាឯកសារសម្រាប់អបអរខួបគម្រប់ ៣៥ឆ្នាំរបស់ហាងកាហ្វេ Blurebird៕

Sabay ត្រូវការរើស 5 Corporate Sales Executives បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW។

ចុចអាន៖

ប្រភព៖ Eonline ប្រែសម្រួល៖ អន សុភក្ត្រា