Katy Perry ឌឺ Taylor Swift ចំៗក្នុងកម្មវិធី American Idol
- 2018-03-20 03:30:00
- ចំនួនមតិ 0 | ចំនួនចែករំលែក 0
Katy Perry ឌឺ Taylor Swift ចំៗក្នុងកម្មវិធី American Idol
ចន្លោះមិនឃើញ
ជម្លោះរវាងតារាល្បីដែលវិះនឹងបញ្ចប់កាលពីឆ្នាំមុននោះ ឥឡូវគឺនៅតែឈ្លោះគ្នាដដែលទេ។ Katy បានសុំទោស Taylor និងនិយាយពាក្យល្អៗជាច្រើន ប៉ុន្តែអ្វីៗត្រូវផ្លាស់ប្ដូរនៅពេល Katy បាននិយាយពាក្យមួយមាត់ក្នុងកម្មវិធី American Idol កាលពីយប់មិញនេះ។
ម្ចាស់បទ "Swish Swish” នេះបាននិយាយលក្ខណៈឌឺដងទៅកាន់ Taylor បន្ទាប់ពីមានបេក្ខជនម្នាក់ចាត់ទុក Taylor Swift ជាតារាគំរូរបស់លោក។
The feud continues! @katyperry throws SHADE on @taylorswift13 on @AmericanIdol #AmericanIdol pic.twitter.com/IBut9mAkhn
— TalentRecap (@TalentRecap) March 19, 2018
ការសន្ទនានោះបានចាប់ផ្ដើមពីការសាកសួររបស់គណៈកម្មការ ថាតារារូបណាដែលបេក្ខជននោះស្រលាញ់ពេញចិត្តនិងរំពឹងមើលជាគំរូ។
បុរសម្នាក់នោះនិយាយតបថា៖ "ខ្ញុំសុំទោស Katy តារាម្នាក់នោះគឺ Taylor Swift។" បន្ទាប់មក Katy ឆ្លើយតបថា៖ "អូ! អ្នកមិនចាំបាច់សុំទោសទេ។" បេក្ខជនរូបនេះបន្តទៀតថា៖ "ខ្ញុំស្រលាញ់ Taylor Swift។" ស្រាប់តែពេលនោះ Katy ឆ្លើយតបថា៖ "ខ្ញុំស្រលាញ់នាង ក្នុងលក្ខណៈជាអ្នកនិពន្ធបទចម្រៀងម្នាក់។" នាងនិយាយបែបនេះទាំងធ្វើទឹកមុខឌឺដង ដែលបញ្ជាក់ឲ្យឃើញថាពួកគេនៅតែមាន Bad Blood រវាងគ្នានិងគ្នា។
គួរឲ្យសោកស្ដាយ ព្រោះអ្នកទាំងពីរធ្លាប់ជាមិត្តជិតស្និទ្ធប៉ុន្តែអ្វីៗត្រូវបានផ្លាស់ប្ដូរ បន្ទាប់ពីរឿងរ៉ាវដែលកើតឡើងកាលពីឆ្នាំ ២០១៤៕
អានអត្ថបទ៖
រឿងពីមុនលែងខ្វល់! Katy Perry ចង់ផ្សះផ្សាជាមួយ Taylor Swift វិញ
បេក្ខជន American Idol ម្នាក់ធ្វើឲ្យ Katy Perry លង់ស្នេហ៍ដកចិត្តមិនរួច
Katy Perry ខឹង Taylor Swift ខ្លាំងដល់ថ្នាក់គេចខ្លួនពេល MV ថ្មីបញ្ចាំងនៅ VMAs
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
