អ្នក​ប្រើប្រាស់​ស្មាតហ្វូន SAMSUNG មួយ​ភាគ​ធំ​ក៏​ច្រើន​ជួប​បញ្ហា​ភ្លេច​កូដ​មុខ​អេក្រង់​ឬ​ក្មេង​ចុច​ច្រើន​ដង​រហូត​ដល់​ចេញ​ពាក្យ Disable។ បញ្ហា​នេះ​តែង​កើត​មាន​មិន​ថា​តែ​លើ​ប្រភេទ​ស្មាតហ្វូន Android ឬ iOS ប៉ុន្តែ​ដំណោះស្រាយ​របស់​វា មាន​ភាព​ខុស​គ្នា​ផ្អែក​តាម​ឧបករណ៍​នីមួយៗ។

ត្រកូល​ស្មាតហ្វូន SAMSUNG យើង​អាច​ដោះស្រាយ​បញ្ហា​នេះ​បាន តាម​រយៈ​ការ Reset ម៉ាស៊ីន ដោយ​ចូល​ទៅ​កាន់​មុខងារ Factory Reset ឬ Recovery Mode ដើម្បី​ដោះ​ផ្តាច់​កូដ​មុខ​អេក្រង់ ប៉ុន្តែ​ត្រូវ​ចាំ​ទិន្នន័យ​ទាំង​អស់​នឹង​ត្រូវ​បាត់បង់ ហើយ​ក៏​ពុំ​មាន​វិធី Copy ចេញ​មកបាន​នោះ​ដែរ។

+វិធី Wipe Data/Factory Reset លើស្មាតហ្វូន SAMSUNG:

១.បិទ​ម៉ាស៊ីន ដោយ​ចុច​ប៊ូតុង Power ធម្មតា

២.ពេល​ម៉ាស៊ីន​រលត់​ឈឹង សូម​ចុច Volume Up ឲ្យ​ជាប់ ព្រម​គ្នា​ជាមួយ​ប៊ូតុង Home + Power ដល់​ម៉ាស៊ីន​ញ័រ​និង​លោត Logo ចេញ​មក (ករណីខ្លះអាចព្រលែង Power ហើយរក្សាម្រាមដៃលើប៊ូតុងពីរផ្សេងទៀតឲ្យជាប់)

៣.ភ្លាម​នោះ​ម៉ាស៊ីន​នឹង​លោត​ចូល​មុខងារ Recovery Mode

៤.ប្រើ​ប៊ូតុង Volume Down ឬ Up ដើម្បី​បញ្ជា​ចុះ​ឡើង រហូត​មក​ដល់​ពាក្យ Wipe Data/Factory Reset

៥.ចុច​ប៊ូតុង Power ដើម្បី​ជ្រើស​យក

៦.បញ្ជា​មក​ក្រោម​ទៀត​រើស​យក Yes – delete all user data

៧.បន្ទាប់​ពី​រួចរាល់ > ថយ​មក​ក្រោយ​រើស​យក Reboot System Now

៨.ម៉ាស៊ីន​នឹង​លោត​មក​ជា​ធម្មតា​វិញ ហើយ​ទាមទារ​ឲ្យ​អ្នក​ធ្វើ​ការ Activate ដូច​ពេល Restore ម៉ាស៊ីន​ថ្មី​អ៊ីចឹង​ដែរ។

#ករណី​ស្មាតហ្វូន​គ្មាន​ប៊ូតុង Home ដើម្បី​ចូល Recovery Mode សូម​ចុច​ប៊ូតុង Bixby ព្រម​គ្នា​នឹង Vol Up + Power ឲ្យ​ជាប់។

-->Sabay ត្រូវការរើស Marketing Consultant។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់  https://goo.gl/j3UhbY

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ:

• រដ្ឋាភិបាល​ម៉ាឡេស៊ី ព្រមាន​ទុកមុ​ន​ ហាមក្រុមហ៊ុន​តាក់ស៊ី Grab ឡើង​ថ្លៃ​ឲ្យ​សោះ​

• អស់​ពាក្យ​នឹង​ថ្លែង! ល្បិច​​គេច​ពន្ធ​ទូរសព្ទ​នៅ​ប្រទេស​ចិន​សាហាវ​ដល់​ថ្នាក់​ហ្នឹង

ប្រភព៖ drfone   ប្រែ​សម្រួល៖ កៅ រក្សា