ចំណុចខ្លឹមមួយលើ iPhone X ដែលទូរសព្ទ Android មិនទាន់អាចចម្លងបាន

2018-04-03 01:32:51
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រប់គ្នាដឹងហើយថា ក្រោយពី iPhone X បានបង្ហាញវត្តមានជាមួយអេក្រង់មានក្បាលឆកភ្លាម ក្រុមហ៊ុនផលិតស្មាតហ្វូន Android ធំៗក៏ចាប់ផ្ដើមយករចនាបថក្បាលឆកនេះទៅប្រើលើស្មាតហ្វូនថ្មីរបស់ខ្លួនជាបន្តបន្ទាប់។

Asus Zenfone 5

នៅលើ iPhone X នេះទៀតសោតមានផ្ទៃអេក្រង់លាតពេញទី ដោយសូម្បីផ្នែកខាងក្រោមក៏មិនមានគែមអេក្រង់ដែរ។ ប៉ុន្តែក្រុមហ៊ុនផលិតស្មាតហ្វូន Android ភាគច្រើននៅមិនអាចធ្វើតាមចំណុចខ្លឹមនេះបាននៅឡើយទេ។

បើតាមការលើកឡើងរបស់លោក Carl Pei ជាសហស្ថាបនិកក្រុមហ៊ុន OnePlus បានឲ្យដឹងថា ក្រុមហ៊ុនផលិតស្មាតហ្វូន Android បានរក្សាទុកបង្គំគ្រឿងអេឡិចត្រូនិកនៅគែមអេក្រង់ខាងក្រោមនេះ។ ចំណែកឯ Apple បានយកគ្រឿងអេឡិចត្រូនិកនេះទៅផ្នែកខាងក្រោយនៃអេក្រង់ ដោយបានបត់ផ្នែកខាងក្រោមនៃអេក្រង់នេះទៅក្រោយតែម្ដង។

vivo V9

សហស្ថាបនិករូបនេះបន្តថា វិធីសាស្ត្ររបស់ Apple ជាវិធីមួយដែលចំណាយដើមទុនលើការផលិតច្រើន ដែលក្រុមហ៊ុនផលិតស្មាតហ្វូន Android ភាគច្រើនរួមទាំង OnePlus ផ្ទាល់មិនមានលទ្ធភាពធ្វើបាននាពេលបច្ចុប្បន្ននេះ។ លុះត្រាតែមានក្រុមហ៊ុនណាអាចរិះរកវិធីបំបាត់គែមអេក្រង់ខាងក្រោម ដោយប្រើវិធីសាស្ត្រដែលចំណាយដើមទុនតិច មិនអ៊ីចឹងទេគែមអេក្រង់ផ្នែកខាងក្រោមនៅតែបន្តមានវត្តមានលើស្មាតហ្វូន Android ក្នុងរយៈពេលដ៏យូរអង្វែងមួយ៕

--> Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N

ចុចអាន៖

ប្រភព៖ redmondpie ប្រែសម្រួល៖ សុខហេង