ទូរសព្ទក្បាលឆក កាន់តែពេញនិយម រាប់ត្រួសៗមិនក្រោម ១០ ម៉ូដែលទេ

2018-04-02 03:21:44
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពី iPhone X បានបង្ហាញខ្លួនមានរូបរាងផ្ទៃអេក្រង់ពេញ តែមានក្បាលឆកធ្វើឲ្យមានការចាប់អារម្មណ៍ពីបណ្ដាក្រុមហ៊ុនស្មាតហ្វូនដទៃទៀត។

ក្នុងពេលដែលទូរសព្ទក្បាលឆក កាន់តែមានទំនោរពេញនិយម មានមហាជនជាច្រើនបាននិយាយថា ស្មាតហ្វូនទាំងនេះបានចំលងរាងតាម iPhone X។ តែទូរសព្ទដែលមានក្បាលឆកដំបូងគេមិនមែន iPhone X ទេគឺទូរសព្ទ Essential Phone របស់ក្រុមហ៊ុន Essential ដែលបានបង្ហាញកាលពីខែឧសភា ឆ្នាំ ២០១៧ ជាស្មាតហ្វូនដំបូងដែលមានបាត់អេក្រង់មួយដុំតូច ឬអាចថាមានក្បាលឆកតូច។

បើនិយាយទូរសព្ទដំណើរការដោយ Android លេចលឺព័ត៌មានត្រៀមផលិតចេញមានក្បាលឆកដូច iPhone មានដូចជា UleFone T2 Pro, Blackview A30, NOA N10, Vernee M7, Oukitel U18,DOOGEE V5, Leagoo S9 & S9 Pro, LG G7, ASUS ZenFone 5 ក្រុមហ៊ុនស្មាតហ្វូន ភាគច្រើនមានប្រភពមកពីប្រទេសចិន។

សរុបស្មាតហ្វូន Android ៩ ម៉ូឌែលចម្លងម៉ូតឆក តាម iPhone X

ក្រៅពីនេះក៏នៅមានទូរសព្ទ ផ្សេងទៀតដែលបានប្រកាសចេញលក់ពេលឆាប់ៗខាងមុខ ដោយមានបង្ហាញទាំងតម្លៃទៀតផង។

ស្មាតហ្វូន Android ដែលបានប្រកាសចេញនេះមាន៖

Vivo V9

បានប្រកាសចេញថ្ងៃទី២៣ ខែមីនា ឆ្នាំ២០១៨ កន្លងទៅនៅប្រទេសថៃ ជាមួយតម្លៃ ១០ ៩៩៩ បាត ឬក្បែរ ៣៤៩ ដុល្លារ។

អាចបាក់ស្រឹប បើឃើញរូបរាងខាងក្រៅរបស់ Vivo V9 ទើបចេញក្ដៅៗ (វីដេអូ)

Oppo F7

ក្រុមហ៊ុន Oppo Mobile នៅឥណ្ឌា ក៏បង្ហោះរូបរាងផ្នែកខាងមុខនៃសណ្ឋានអេក្រង់ពេញរបស់ម៉ូឌែលថ្មី Oppo F7 ដែលមានរូបរាងក្បាលឆកដូចទៅនិង iPhone X កាលពីថ្ងៃទី ២៧ មីនាកន្លងទៅ។

ច្បាស់ការពីរូបរាង Oppo F7 ដាក់បង្ហាញចុងខែនេះ ចម្លងស្នាមឆកតាម iPhone X

Huawei P20 និង P20 Pro

កាលពីថ្ងៃទី ២៧ មិនានេះក្រុមហ៊ុន Huawei បានបញ្ចេញស្មាតហ្វូនជំនាន់ក្រោយម៉ូឌែល P20 និង P20 Pro ជាផ្លូវការ នៅទីក្រុងប៉ារីស។ តម្លៃនៅទីផ្សារអឺរ៉ុប P20 មានតម្លៃ ៨០៥ ដុល្លារ និង P20 Pro មានតម្លៃ ១ ១១៦ ដុល្លារ។

អស់ស្ទះ! ទូរសព្ទមានកាមេរ៉ា ៣ គ្រាប់ដំបូងគេក្នុងលោក បង្ហាញខ្លួនយប់មិញ

OnePlus 6

OnePlus 6 ក៏បានលេចលឺដំណឹងថាត្រៀមផលិតស្មាហ្វូនដែលមានក្បាលឆកដើរតាមគន្លង iPhone X និង Essential Phone។

មេ OnePlus បង្ហាញរូបផ្លូវការ OnePlus 6 និងប្រាប់ឲ្យរៀនស្រឡាញ់ក្បាលឆក

Nokia 9

Nokia 9 ក៏ត្រៀមផលិតផ្ទៃអេក្រង់ដែលមានក្បាលឆក និងមានទ្រនាប់ស្កេនម្រាមដៃនៅផ្នែកខាងក្រោយផ្ទៃអេក្រង់ ចំពោះផ្ទៃខាងមុខមានស្នាមគន្លាក់ ដែលមានលក្ខណៈស្រដៀងនឹង iPhone X។

ដំណឹងថ្មីថា Nokia 9 ក៏មានក្បាលឆកដែរ

LG G7/G7+

សូម្បីតែក្រុមហ៊ុន LG ក៏បានប្រកាសថានឹងបញ្ចេញទូរសព្ទមានក្បាលឆក ជាមួយនឹងបច្ចេកវិទ្យា AI មកជាមួយ ដែលមានតម្លៃថ្លៃជាងជំនាន់ G6។ នេះបើតាមរបាយការរបស់គេហទំព័រ ETNews បានប្រកាសក្នុងពិព័រណ៍ MWC 2018 កន្លងទៅ។