ជនគំរាមសម្លាប់គ្រួសារ Taylor ត្រូវជាប់ទោស ដោយមានការឃ្លាំមើលពីប៉ូលិសរយៈពេល ១០ឆ្នាំ

2018-04-03 05:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បើតាមវិបសាយ E!News បានបញ្ជាក់ថា បុរសដែលបានសង្ស័យពីការគំរាមសម្លាប់តារាចម្រៀង Taylor Swift និងក្រុមគ្រួសាររបស់នាងនោះ ត្រូវបានកាត់ទោសរយៈពេល ១០ឆ្នាំក្នុងការតាមដានរបស់ប៉ូលិស។

កាលពីខែវិច្ឆិកា ឆ្នាំ២០១៦ បុរសម្នាក់ឈ្មោះ Frank Andrew Hoover ត្រូវបានឃាត់ខ្លួនពាក់ព័ន្ធនឹងការបំពានច្បាប់ ដែលហាមលោកមិនឲ្យតាមតារាចម្រៀង Taylor Swift ក្នុងការប្រគំតន្ត្រីរបស់នាង។ បើតាមឯកសាររបស់តុលាការបានបញ្ជាក់ដែរថា លោក Hoover បានផ្ញើអ៊ីមែលជាច្រើនបន្តបន្ទាប់គ្នាទៅកាន់ឪពុករបស់តារាស្រីរូបនេះ រាប់គិតតាំងពីខែសីហារហូតដល់ថ្ងៃទី ២៧ ខែតុលា។

ហើយក្នុងខែមករា ឆ្នាំ២០១៨ លោក Hoover បានប្រឈមមុខនឹងការកាត់ទោស ក្រោយក្រុមព្រះរាជអាជ្ញាបានឆែករកឃើញអ៊ីមែល ដែលលោកបានសរសេរគំរាមសម្លាប់ Taylor Swift និងក្រុមគ្រួសាររបស់នាង។

ជាងនេះទៅទៀត បើតាមវិបសាយ TMZ បានឲ្យដឹងថា ក្នុងការតាមដានរយៈពេល១០ឆ្នាំនេះ តំបន់ដែលលោក Hoover រស់នៅ នឹងត្រូវតាមដានជាពិសេសដោយប្រព័ន្ធ GPS យ៉ាងហោចណាស់ក្នុងរយៈពេល ១ឆ្នាំដំបូងនៃការស៊ើបបន្តនេះ។

តាមវិបសាយដដែលបានបន្តថា៖ "Hoover នឹងត្រូវធ្វើការពិនិត្យផ្នែកសតិអារម្មណ៍, ពិនិត្យសារជាតិញៀន រួមទាំងត្រូវសិក្សាវគ្គផ្ដាច់គ្រឿងញៀនថែមទៀត"។

ចំណែកឯតារាចម្រៀង Taylor Swift វិញ នាងក៏មិនដែលនិយាយអ្វីពាក់ព័ន្ធនឹងករណីនេះដែរ៕

Sabay ត្រូវការរើស 5 Corporate Sales Executives បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW។

ចុចអាន៖

ប្រភព៖ Eonline ប្រែសម្រួល៖ អន សុភក្ត្រា