ទីបំផុត ដឹងថ្ងៃកំណើត LG G7 ក្បាលឆក

2018-04-04 01:32:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះក្រុមហ៊ុន LG បានបញ្ជាក់ប្រាប់ដល់សារព័ត៌មានកូរ៉េខាងត្បូងថាស្មាតហ្វូនកំពូលជំនាន់ថ្មីរបសើខ្លួននឹងបង្ហាញចេញក្នុងប្រទេសនេះជាផ្លូវការ នាចុងខែមេសានេះ។

ការទទួលកក់ស្មាតហ្វូនស៊េរីថ្មីក៏នឹងចាប់ផ្ដើម ក្រោយប្រកាសចេញបានមួយសប្ដាហ៍ ហើយអាចនឹងចេញលក់លើទីផ្សារនៅពាក់កណ្ដាលខែឧសភា។ ស្មាតហ្វូនជំនាន់ថ្មីរបស់ LG ដែលបច្ចុប្បន្នគ្រប់គ្នាបានដាក់ឈ្មោះថា G7 រំពឹងថាជាស្មាតហ្វូន LG ដំបូងប្រើអេក្រង់ M-LCD ដែលសន្សំសំចៃថាមពលបានច្រើនជាងអេក្រង់ LCD ចំនួន ៣៥%។

រូប Render របស់ LG G7

បន្ថែមពីនេះក្រុមហ៊ុន LG ក៏បានឲ្យដឹងថា G7 នឹងមានតម្លៃដែលអាចទទួលយកបាន ដោយសារក្រុមហ៊ុនបានកាត់ថ្លៃចំណាយតាមរយៈការប្រើអេក្រង់ LCD ជំនួសឲ្យ OLED។

រូបតំណាង

ជាចុងក្រោយ LG G7 ក៏នឹងរំពឹងថាមានបំពាក់កាមេរ៉ាភ្លោះ ដែលមាន Aperture f/1.5 អាចស្រូបយកពន្លឺបានប្រសើរជាងមុន។ ចចាមអារ៉ាមអំពីអេក្រង់មានក្បាលឆកក៏អាចនឹងមានលើស្មាតហ្វូនថ្មីនេះដែរ រួមជាមួយបន្ទះឈីប Snapdragon 845៕

-->Sabay ត្រូវការរើស 5 Corporate Sales Executives ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW

ចុចអាន៖

ប្រភព៖ PhoneArena ប្រែសម្រួល៖ សុខហេង