Taylor Swift ត្រៀមជះលុយជាង ៤២លានដុល្លារ ដើម្បីទិញផ្ទះនៅជិតមិត្តប្រុស

2018-04-06 02:57:32
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្រតារាចម្រៀង Taylor Swift ដែលរស់នៅក្នុងទីក្រុងញ៉ូយ៉ក ឬទីក្រុង Los Angeles ប្រាកដជាមានការខកចិត្ត ព្រោះថាតារាចម្រៀងរូបនេះ គ្រោងនឹងរើទីលំនៅទៅកាន់ប្រទេសអង់គ្លេសដើម្បីបាននៅក្បែរមិត្តប្រុសរបស់នាង។

ម្ចាស់បទ "Shake It Off” រូបនេះបានឲ្យដឹងថា នាងបានទាក់ទងទៅក្រុមការងារដើម្បីស្វែងរកផ្ទះក្នុងក្ដីស្រមៃរបស់នាង ដើម្បីបានរស់នៅក្បែរមិត្តប្រុសសំណព្វដែលជាតារាសម្ដែងដែលមានវ័យ ២៨នោះ។ បើតាមវិបសាយ The Sun បានឲ្យដឹងថា តារាស្រីរូបនេះក៏សុខចិត្តចំណាយប្រាក់ជាង ៤២ លានដុល្លារសម្រាប់ផ្ទះថ្មីនោះផងដែរ។

បើតាមប្រភពមួយបាននិយាយថា៖ "Taylor ស្រឡាញ់ប្រទេសអង់គ្លេស និងរបៀបដែលនាងអាចរស់នៅសាមញ្ញធម្មតាដោយគ្មានការរំខាន។ នាងបានត្រៀមប្រាក់ជាង ៤២ លានដុល្លារ ដើម្បីស្វែងរកផ្ទះមួយក្នុងក្ដីស្រមៃដែលនាងសង្ឃឹមថាថ្ងៃណាមួយនឹងអាចរួមរស់ជាមួយ Joe បាន ប្រសិនបើទំនាក់ទំនងរបស់ពួកគេនៅតែបន្តរីកលូតលាស់ទៅមុខ"។

ប្រភពដដែលបានបន្តទៀតថា តារាស្រីរូបនេះក៏មានបំណងចង់ស្វែងរកផ្ទះណាដែលមានចង្ក្រានបាយធំ ព្រោះនាងចង់ចម្អិនអាហារដោយខ្លួនឯង និងគ្រប់គ្រងក្នុងនាមជាម្ចាស់ផ្ទះដ៏ល្អមួយរូប៕

ចុចអាន៖

ប្រភព៖ Metro ប្រែសម្រួល៖ អន សុភក្ត្រា