ហ្គេមបាញ់គ្នា ៣ កំពុងត្រូវចិត្តយុវវ័យប្រើស្មាតហ្វូន សប្បាយមិនចាញ់លេងលើកូំព្យូទ័រ

2018-04-09 04:45:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ហ្គេមបែបបាញ់ប្រហារជាប្រភេទហ្គេមដ៏ពេញនិយមមួយ ក្នុងចំណោមប្រភេទផ្សេងទៀតដូចជាបែបផ្សងព្រេង, កីឡា ឬ ការប្រើប្រាជ្ញា (Puzzle)។ ទន្ទឹមគ្នានេះហ្គេមកំពុងត្រូវប៉ាន់ ៣ ដែលសុទ្ធសឹងជាប្រភេទ Battle Royale បើកឲ្យមនុស្សជាច្រើនចូលលេងក្នុងវគ្គតែមួយ ហើយកាន់តែលម្អិត Sabay ណែនាំដូចខាងក្រោម។

១.Rules Of Survival:

រាប់បានជាហ្គេមចេញមុនគេបង្អស់នៅលើឧបករណ៍ iOS និង Android ហើយផ្ទុះភាពល្បីល្បាញតាំងពីជាង ២ ខែមុន។ ស្ថិតក្រោមការអភិវឌ្ឍដោយក្រុមហ៊ុន NetEase Games មានចែកជាប្រភេទវគ្គ Solo, Squad ឬ FireTeam ជាមួយអ្នកលេងឯទៀតចំនួន ១២០ នាក់ក្នុងផែនទីតែមួយ។ ថ្មីៗនេះក៏ទើបតែបញ្ចូលនូវវគ្គមនុស្ស ៣០០ នាក់ ដើម្បីរកជើងខ្លាំងដែលអាចរស់រានមានជីវិតក្រោយគេបង្អស់។

មានទំហំជាង ៩៨០MB គាំទ្រចាប់ពី iOS 9.0 និង Android 4.0 ឡើងទៅ បន្សំការលក់ item ថ្លៃពី ០,៩៩ ដុល្លារ-៩៩,៩៩ ដុល្លារ ខណៈបច្ចុប្បន្នមានអ្នកលេងប្រមាណ ១០០ លាននាក់ជុំវិញពិភពលោក។ ចុចទាញយកសម្រាប់ iOS និង Android

២.PUBG MOBILE:

ហ្គេមមួយនេះត្រូវបានក្រុមហ៊ុន PUBG Corporation ជាអ្នកបង្កើតមុនគេបង្អស់នៅលើកុំព្យូទ័រ លុះក្រោយមកក៏មានលំនាំនៃ ROS ចម្លងតាមមកដាក់លើស្មាតហ្វូន។ ប៉ុន្តែមិនយូរប៉ុន្មានដោយសង្កេតឃើញទីផ្សារអ្នកលេងលើស្មាតហ្វូនត្រូវប៉ាន់ ក្រុមហ៊ុនប្រទេសចិន Tencent Games ក៏សម្រិតសម្រាំងជាថ្មី បង្កើតសម្រាប់ជំនាន់ MOBILE និងទទួលការគាំទ្រខ្លាំងមិនចាញ់គូប្រកួត។

ទម្រង់នៃការលេងក៏មានបែបបទស្រដៀងគ្នា ដោយអាចលេងជាប្រភេទ Solo ឬចាប់ជាក្រុម ហើយមានទំហំផ្ទុកជាង ៩០០ MB។ គាំទ្រលើប្រព័ន្ធ Android ចាប់ពីជំនាន់ 4.3 ជាង ៥០០ ម៉ាក ប៉ុន្តែតម្រូវកម្លាំងម៉ាស៊ីនអាចដំណើរការបានរលូនគឺចាប់ពីជំនាន់ Android 5.1.1 និងទំហំ RAM 2GB ឡើង។

ចុចទាញយកសម្រាប់ iOS និង Android

៣.Fortnite:

ក្រុមហ៊ុន Epic Games ទើបតែសម្រេចបញ្ចប់កំណែ Beta នៃហ្គេម Fortnite លើប្រព័ន្ធ iOS កាលពីប៉ុន្មានថ្ងៃមុន ពោលមានន័យថាអ្នករាល់គ្នាអាចទាញយកទៅលេងបានដោយសេរី ប៉ុន្តែរើសម៉ាស៊ីនចាប់ពីជំនាន់ iPhone SE/6s ឡើងទៅ ហើយទំហំផ្ទុកក៏ធំលើសពី 1GB។

ជាប្រភេទហ្គេមដែលមានក្រាហ្វិកនិងបែបបទនៃការលេងបែបតុក្កតា ខុសពី PUBG ឬ ROS ដែលមានរូបរាងតួអង្គប្រដូចបាននឹងមនុស្ស ហើយក៏មានការប្រកួតនៃវគ្គ Battle Royale តម្រូវឲ្យមនុស្ស ១០០ នាក់ចូលក្នុងវគ្គតែមួយ ដើម្បីរកជើងខ្លាំងដែលអាចរស់រានមានជីវិតក្រោយគេបង្អស់។

ចុចទាញយកសម្រាប់ iOS