តោះមកមើលថា នឹងមានអ្វីចេញថ្មីក្នុងព្រឹត្តិការណ៍ Google I/O ២០១៨ ខាងមុខ?

2018-04-18 02:36:59
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅសល់តែជាងបីសប្ដាហ៍ទៀតប៉ុណ្ណោះ ព្រឹត្តិការណ៍សម្រាប់អ្នកអភិវឌ្ឍកម្មវិធីធំបំផុតរបស់ Google ដែលមានឈ្មោះថា Google I/O នឹងចាប់ផ្ដើមឡើងហើយ ពោលគឺនៅថ្ងៃទី ៨ ដល់ ថ្ងៃទី ១០ ខែឧសភា នៅទីក្រុង Mountain View រដ្ឋកាលីហ្វ័រញ៉ា សហរដ្ឋអាមេរិក។

ជារៀងរាល់ឆ្មាំ Google នឹងបញ្ចេញសមិទ្ធផលថ្មីៗ និងកំណែអាប់ដេត ដល់កម្មវិធីមួយចំនួនរបស់ខ្លួនមួយចំនួនទៀតផង ក្នុងព្រឹត្តិការណ៍នេះ។ អ្វីដែលគេរំពឹងទុកថានឹងបានឃើញក្នុងព្រឹត្តិការណ៍ Google I/O ២០១៨ នេះមានដូចជា៖

១. Android P beta

គេសង្ឃឹមថា Google នឹងបញ្ចេញ Android P ចុងក្រោយជំនាន់សាកល្បង ក្នុងខែឧសភានេះ។

២. ឈ្មោះពេញរបស់ Android P

មិនដឹងថាឈ្មោះពេញរបស់ Android ស៊េរីចុងក្រោយនេះ ជាបង្អែមដូចសិស្សច្បងជំនាន់មុនឬយ៉ាងណាទេ។

៣. កំណែអាប់ដេតលើ Gmail

មានការរំពឹងទុកពីការបន្ថែមមុខងារផ្សេងៗ ដើម្បីការពារសុវត្ថិភាពអ្នកប្រើប្រាស។

៤. Android Wear 3.0

Software សម្រាប់បំពាក់លើនាឡិកាឆ្លាតវៃនេះ ក៏អាចនឹងបង្ហាញខ្លួន មកជំនួស Android Wear 2.0 ដែលចេញរយៈពេលជាងមួយឆ្នាំហើយមកដែរ។

៥. ការពង្រឹងលើបច្ចេកវិទ្យា VR

ទាំងផលិតផល និង Softwar សម្រាប់ VR របស់ Google អាចនឹងមានការកែប្រែ ឲ្យមានភាពទំនើបជាងមុន។

៦. ការអាប់ដេតលើ Google Assistant

ទោះបីជា Google Assistant សឹងតែក្លាយទៅជាបច្ចេកវិទ្យា AI ល្អដាច់គេលើលោកទៅហើយ ក៏គេនៅតែរំពឹងថា Google នឹងមានបញ្ចេញការអភិវឌ្ឍបន្ថែមលើបច្ចេកវិទ្យានេះដែរ។

៧. ការអាប់ដេត Software របស់ Google Home

ឧបករណ៍បំពងសំឡេងឆ្លាតវៃរបស់ Google គឺ Google Home ក៏អាចនឹងទទួលបានការអាប់ដេតលើ Software ជំនាន់ថ្មីដែរ។

៨. អាចមានផលិតផលថ្មី

នេះជារឿងដែលក្រុមហ៊ុនយក្សនីមួយៗ តែងតែធ្វើឲ្យអ្នកប្រើប្រាស់ឆ្ងល់ខ្លាំង ព្រោះពួកគេមិនបានឆ្លើយតបនឹងសំណួរដែលថា តើក្រុមហ៊ុនគេមានបញ្ចេញផលិតផលថ្មីឬមួយក៏យ៉ាងណាទេ៕

ចុចអាន៖

ប្រភព៖ Techradar ប្រែសម្រួល៖ ផាត សុវត្ថិ