ជើងខ្លាំងប្រចាំតារាងកាំកូ ជាប់ជម្រើសជាតិឆ្នាំដំបូង ចង់ឈប់លេងស៊ីលុយ
- 2018-04-18 02:44:08
- ចំនួនមតិ 0 | ចំនួនចែករំលែក 0
ជើងខ្លាំងប្រចាំតារាងកាំកូ ជាប់ជម្រើសជាតិឆ្នាំដំបូង ចង់ឈប់លេងស៊ីលុយ
ចន្លោះមិនឃើញ
យុវជនដែលគេស្គាល់វៃខ្លាំងនៅប្រចាំតារាងម្ដុំរង្វង់មូលកាំកូស៊ីធី សៀ កុសល បានជាប់ជម្រើសជាតិជាលើកដំបូងរបស់ខ្លួននៅឆ្នាំ២០១៨នេះ ប៉ុន្តែគិតថា ចង់បញ្ឈប់ការដើរលេងស៊ីលុយក្រោមហេតុផលមួយ។
កុសល បានឲ្យដឹងថា ការជាប់ជម្រើសជាតិលើកដំបូងនេះមិនរំពឹងអាចចូលលេងជាជម្រើសដំបូងឡើយ។ ជាមួយគ្នានោះរូបគេមើលឃើញ សមត្ថភាពរបស់ខ្លួនហាក់មានកម្រិតប្រហាក់ប្រហែលរៀមច្បង ពោលគឺមិននៅក្រោមកីឡាករជម្រើសជាតិផ្សេងៗប៉ុន្មានទេ។
យុវជនមកពីខេត្តសៀមរាបរូបនេះបញ្ជាក់ថា នៅតារាងបាល់ទះម្ដុំរង្វង់មូលកាំកូអ្នកណាក៏ស្គាល់ កុសល ដែរ។ និយាយពីរឿងដើរលេងស៊ីលុយវិញ រូបគេគិតថា ចង់ឈប់ហើយ ពីព្រោះលេងទៅលេងមក គ្មានសល់អី ឈ្នះចាញ់ៗ ទៅមកៗ និយាយពិអារម្មណ៍គឺធុញទ្រាន់ នឹងការដើរលេងស៊ីលុយនេះតែម្ដង។ អ្វីដែលរូបគេចង់ធ្វើគឺប្រឹងប្រែងហ្វឹកហាត់ឲ្យបានខ្លាំង សម្រាប់តែត្រៀមការប្រកួតប៉ុណ្ណោះ។
ក្រុមជម្រើសជាតិបាល់ទះ បាននឹងកំពុងប្រមូលផ្ដុំហ្វឹកហាត់នៅតារាងបាល់ទះវិសាខា ដែលហ្វឹកហាត់រៀងរាល់ពេលរសៀល៕