ប្រើកាមេរ៉ាទូរសព្ទថត VLog ក៏មិនអន់ដែរ បើដឹងពីបច្ចេកទេស

2018-04-21 00:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្ន កាមេរ៉ាលើស្មាតហ្វូនជាច្រើនមានសមត្ថភាពផលិតរូបភាព ក៏ដូចជាវីដេអូ បានគុណភាពល្អមែនទែន ដោយម៉ូដែលខ្លះអាចថតវីដេអូទំហំ Resolution ដល់ទៅ 4K។ ទាំងនេះ សុទ្ធជាអំណោយផលដល់ការផលិតរូបភាព និងវីដេអូ។

មនុស្សជាច្រើនបានងាកមកចាប់អារម្មណ៍បង្កើត Vlog ក្នុងការចែករំលែកសកម្មភាពប្រចាំថ្ងៃ ឬសកម្មភាពក្រោមប្រធានបទណាមួយ ទៅកាន់បណ្ដាញសង្គម។ នេះល្អ អាចចាត់ទុកជាអនុស្សាវរីយ ក៏អាចជាប្រភពចំណូលបន្ទាប់បន្សំផងដែរ។ អ្នកប្រហែលដឹង មនុស្សមិនតិចទេ រកប្រាក់ចំណូលបានច្រើនដោយការធ្វើ Vlog។

Vlog ជា Blog មានវីដេអូ ហើយអ្នកអាចងាយស្រួលប្រែ Blog ទៅជា Vlog ដោយការដាក់វីដេអូក្នុងការបង្ហោះ (Post) របស់អ្នក។ អ្វីអ្នកត្រូវការគឺគណនីមួយ សម្រាប់ដាក់វីដេអូដូចជា Youtube។ វីដេអូជាចំណុចទាក់ទាញមួយ បង្កើនកម្រិតចាប់អារម្មណ៍អ្នកទស្សនាចូលមកកាន់វេបសាយអ្នក។

តើ Vlog មានប៉ុន្មានប្រភេទ?

ថតជជែកត្រឹមប្លង់មុខ ឬពាក់កណ្ដាលខ្លួន៖ អ្នកអង្គុយមុខកាមេរ៉ា ហើយជជែកពីប្រធានបទណាមួយ ឬចែករំលែកព័ត៌មានណាមួយ។
របៀបធ្វើអ្វីមួយ៖ អ្នកថតបង្ហាញសកម្មភាពដល់ទស្សនិកជន ពីរបៀបធ្វើអ្វីមួយ។
ដំណើរផ្សងព្រេង ឬសកម្មភាពប្រចាំថ្ងៃ៖ អ្នកធ្វើដំណើរក្រៅផ្ទះ ឬ Studio រួចថតបង្ហាញសកម្មភាព អ្នកបានឃើញ និងលឺ។

សម្ភារៈប្រើប្រាស់

ដើម្បីបង្កើត Vlog មានគុណភាពខ្ពស់ អ្នកគួរតែប្រើសម្ភារៈដូចទៅនឹងការផលិតវីដេអូកម្រិតអាជីពដែរ។ អ្នកត្រូវការ កាមេរ៉ា ឬស្មាតហ្វូន, Tripod, ភ្លើង (អំពូលជំនួយពន្លឺ) និង Microphone។

Tripod

Tripod មានជើងទម្របីផ្ដល់លំនឹងដល់កាមេរ៉ាបានភ្ជាប់ ងាយស្រួលថតមិនឲ្យរង្គើ។

Tripod អ្នកប្រើគួរអាចបង្វែរទិសដៅកាមេរ៉ាបាន ដោយមិនរំកិលតួ Tripod ក្នុងការប្ដូរប្លង់ទិដ្ឋភាពបានរលូនល្អ។ ហើយដើម្បីភ្ជាប់ស្មាតហ្វូនទៅនឹង Tripod អ្នកត្រូវការដង្កៀបភ្ជាប់ (Tripod adaptor)។

បើអ្នកមាន iPhone អ្នកក៏អាចបំពាក់ Lens បន្ថែមមានមុំទិដ្ឋភាព អាចជា Wide angle, Macro និង Telephoto lens ក្នុងការបង្កើតប្លង់ទិដ្ឋភាពមានលក្ខណៈច្នៃប្រឌិត។

ពន្លឺ

បើអ្នកថតវីដេអូក្នុងផ្ទះ ជាធម្មតាប្រហែលកង្វះពន្លឺ តែអ្នកអាចប្រើប្រភពពន្លឺផ្សេងៗ ជួយពង្រឹងដល់គុណភាពរូបភាព ដូចជាអាចប្រើអំពូលភ្លើងមានស្រាប់ក្នុងផ្ទះជាដើម។

អ្នកអាចផ្លាស់ប្ដូរប្រើអំពូល (Compact fluorescent bulbs ឬ CFLs) ដែលមានពន្លឺសម្រាប់ពេលថ្ងៃ (៥០០០K) ដែលអាចជាពន្លឺពណ៌ស ឬខៀវ ឬទឹកក្រូច មានលក្ខណៈជាពន្លឺសិប្បនិម្មិត (៣០០០K)។

អ្នកប្រហែលត្រូវការអំពូលភ្លើងយ៉ាងហោចណាស់ពីរគ្រាប់ បើអ្នកបំភ្លឺមនុស្សម្នាក់ ដោយមួយបំភ្លឺទិដ្ឋភាពទូទៅ ខណៈមួយទៀតដាក់បញ្ច្រាសពន្លឺ ដើម្បីកាត់បន្ថយ ឬបំបាត់ស្រមោល។

Microphone

សំឡេងមានសារៈសំខាន់ណាស់ ដែលអ្នកគួរតែភ្ជាប់ Microphone ទៅនឹងស្មាតហ្វូន ដោយប្រាកដថាសំឡេងផលិតមកបានច្បាស់ល្អ ជារួមគឺស្រូបសំឡេងជិតបានច្បាស់ កាត់បន្ថយ ឬគ្មានសំឡេងរំខាន។

អ្នកថតរូបលក្ខណៈអាជីពជាច្រើន ណែនាំឲ្យប្រើឧបករណ៍ iRig Pre ដើម្បីភ្ជាប់ Mic ទៅនឹង iOS ឬ Android device ជួយអ្នកងាយស្រួលគ្រប់គ្រងសំឡេង។

បច្ចេកទេសផលិតវីដេអូលើទូរសព្ទ

១) ពេលថត អ្នកគួរបើក Airplane mode

ពេលថត មានទូរសព្ទហៅចូល ឬផ្ទាំង Notification នានាអាចរំខានដល់ដំណើរការថតបាន។

២) ថតផ្ដេក

មនុស្សភាគច្រើនកាន់ទូរសព្ទបញ្ឈរ ពេលថតវីដេអូ ដែលនេះអាចនឹងធ្វើឲ្យវីដេអូមានផ្ទៃពណ៌ខ្មៅនៅគែម ពេលចែករំលែកទៅកាន់បណ្ដាញសង្គម។ អ្នកគួរថតវីដេអូ ដោយផ្ដេកទូរសព្ទ។

៣) ថតវីដេអូសាកល្បង ជាពិសេសបើអ្នកថតខ្លួនឯង

អ្នកអាចថតវីដេអូត្រឹម ៥ ទៅ ១០ វិនាទី រួចពិនិត្យមើល ដោយប្រាកដថាប្លង់ដូចអ្វីអ្នកចង់បាន។ ក្រោយអ្នកពេញចិត្តហើយ អ្នកអាចចាប់ផ្ដើមថតយកតែម្ដង។

៤) កំណត់ប្លង់ថត ដោយប្រើរូបមន្ត Rule of thirds

Rule of thirds ជាការកំណត់ប្លង់ឲ្យចំណុចសំខាន់របស់ Subject ស្ថិតនៅចំណុចប្រសព្វនៃបន្ទាត់ Grid បង្ហាញលើអេក្រង់ទូរសព្ទ។ នេះនឹងធ្វើឲ្យវីដេអូអ្នក មើលទៅមានលក្ខណៈដូចអាជីព។

៥) កាត់តលើស្មាតហ្វូន