រៀនខាងបច្ចេកវិទ្យាមិនខុសទេ មិនជឿមើលតែចំណូល CEO ប៉ុន្មាននាក់នេះទៅ

2018-04-26 02:25:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ធ្លាប់តែដឹងពីចំណូលក្រុមហ៊ុនបច្ចេកវិទ្យាធំៗដូចជា Apple, Google និង Microsoft មួយឆ្នាំៗហូរចូលរាប់ពាន់លានដុល្លារ។ ឯតំណែងអ្នកចាត់ការទូទៅ ឬ CEO គ្រប់គ្រងក្រុមហ៊ុនបច្ចេកវិទ្យាយក្សទាំងនោះ ក៏ទទួលចំណូលចូលមិនតិចដែរ។

+នាយកប្រតិបត្តិ Tim Cook ក្រុមហ៊ុន Apple Inc:

ក្នុងមួយឆ្នាំ Cook ទទួលបានប្រាក់ចំណូលពី Apple ប្រមាណ ១២ ៨២៥ ០៦៦ ដុល្លារ ក្នុងនោះប្រាក់បៀវត្សរ៍សុទ្ធបាន ៣ ០៥៧ ៦៩២ ដុល្លារ ប្រាក់បន្ថែម ៩ ៣២៧ ០០០ ដុល្លារ។ ចំណូលទាំងនេះមិនរាប់បញ្ចូលប្រាក់បានមកពីហ៊ុននិងរង្វាន់ ខណៈប្រាក់ផ្សេងទៀតទទួលបាន ៤៤០ ៣៧៤ ដុល្លារ។

+នាយកប្រតិបត្តិ Sundar Pichai នៃក្រុមហ៊ុន Google:

បុរសដើមកំណើតនៅប្រទេសឥណ្ឌា ទទួលបានប្រាក់ចំណូលពី Google ប្រមាណ ២០០ ០០០ ០០០ ដុល្លារ ក្នុងមួយឆ្នាំ ក្នុងនោះប្រាក់បៀវត្សរ៍សុទ្ធបាន ៦៥០ ០០០ ដុល្លារ។ ប្រាក់ភាគហ៊ុនដល់ ១៩៨ ៦៩៥ ៧៩០ ដុល្លារ ខណៈប្រាក់ផ្សេងទៀតទទួលបាន ៣៧២ ៤១០ ដុល្លារ។

+នាយកប្រតិបត្តិ Satya Nadella នៃក្រុមហ៊ុន Microsoft:

ស្ថិតក្នុងតំណែង CEO លោក Satya ទទួលបានប្រាក់សរុប ២០ ០១៤ ១៥២ ដុល្លារ ក្នុងនោះប្រាក់បៀវត្សរ៍សុទ្ធបាន ១ ៤៥០ ០០០ ដុល្លារ ប្រាក់បន្ថែម ៧ ០៣២ ៤០៦ ដុល្លារ ប្រាក់ភាគហ៊ុន ១១ ៤៣៤ ៥៥៧ ដុល្លារ និងប្រាក់ផ្សេងទៀតទទួលបាន ៩៧ ១៨៩ ដុល្លារ។

+នាយកប្រតិបត្តិ Brian M.Krzanich នៃក្រុមហ៊ុន Intel:

បម្រើការជាផ្នែកវិស្វករកម្មវិធីឲ្យ Intel តាំងពីឆ្នាំ ១៩៨២ បច្ចុប្បន្នមានតំណែងជា CEO ក្នុងមួយឆ្នាំ Brian M.Krzanichទទួលបានប្រាក់ចំណូល ១៩ ០៧៦ ០០០ ដុល្លារ ខណៈប្រាក់បៀវត្សរ៍ទទួល ១ ២៥០ ០០០ ដុល្លារ ប្រាក់បន្ថែម ៣ ៦៩៩ ២០០ ដុល្លារ ប្រាក់រង្វាន់ភាគហ៊ុន ១១ ៧១០ ៦០០ ដុល្លារ និងប្រាក់ចំណូលផ្សេងទៀតទទួលបាន ២ ៤១៦ ២០០ ដុល្លារ។