DJ Push និងតារាថៃ ៦នាក់ទៀតត្រូវប៉ូលិសកោះហៅពីបទផ្សព្វផ្សាយផលិតផលខុសច្បាប់

2018-04-25 08:54:15
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាប្រុសស្រី ៧ដួងរបស់ថៃ ត្រូវបានកោះហៅ ឲ្យចូលមកបំភ្លឺនូវរឿងក្ដីដែលជាប់ពាក់ព័ន្ធផលិតផលថែសម្ផស្ស និងសម្រកទម្ងន់ របស់ក្រុមហ៊ុន Magic Skin Co.។

តារាទាំង ៧ ដែលស្ថិតក្នុងចំណោម អ្នកសិល្បៈ និងតារាបណ្ដាញសង្គម ៥៦នោះរួមមាន៖ Lydia Visutthithada, Pattie Ungsumalin, Mark Chutavuth, Ice Apissada, VJ Woonsen, DJ Push និង Ma Ornapha។ អ្នកទាំងនេះ ត្រូវគេរាយការណ៍ថាបាន ផ្សព្វផ្សាយផលិតផលខុសច្បាប់ លើប្រព័ន្ធអនឡាញ។

បើតាមប៉ូលិសថៃ បានបញ្ជាក់ថា តារាប្រុសស្រីថៃទាំង ៧រូបនោះ អាចនឹងជាប់ពន្ធនាគាររហូតដល់ទៅ ៣ឆ្នាំ ព្រមទាំងត្រូវពិន័យជាប្រាក់ ៣០០ ០០០បាត (ប្រហែល ៩ ៥០០ដុល្លារ) ឯណោះ ពីបទបោកប្រាស់អតិថិជន ដើម្បីលក់ផលិតផលដាច់។

សូមបញ្ជាក់ថា ការកោះហៅក្រុមតារាលក់ផលិតផលក្លែងក្លាយនេះ ត្រូវធ្វើឡើងក្រោយការចុះបង្ក្រាបរោងចក្រផលិតផលថែរក្សាសម្ផស្សមួយ នៅស្រុក Luang ខេត្ត Pathum Thani កាលពីfថ្ងៃអាទិត្យ ដោយរកឃើញផលិតផលខុសច្បាប់ ដែលមានឈ្មោះ Apple Slim, Slim Milk, Fern, Magic Skin, Shinoshi, Treechada និង Mezzo ។ ផលិតផលទាំងនេះ មិនទាន់ត្រូវបានចេញអាជ្ញាប័ណ្ណជូនពីរដ្ឋបាលចំណីអាហារ និងឱសថរបស់ថៃនៅឡើយទេ៕

ប្រភព៖ Bangkokpost ប្រែសម្រួល៖ យី សុធារី