Xiaomi វ៉ាដាច់ផឹង ទម្លាក់ Apple ពីតំណែងលេខ ៤ នៅចិនបាត់ទៅហើយ
- 2018-04-27 03:28:35
- ចំនួនមតិ 0 | ចំនួនចែករំលែក 0
Xiaomi វ៉ាដាច់ផឹង ទម្លាក់ Apple ពីតំណែងលេខ ៤ នៅចិនបាត់ទៅហើយ
ចន្លោះមិនឃើញ
របាយការណ៍ចុងក្រោយពីក្រុមហ៊ុនវិភាគឯករាជ្យ Canalys បានរកឃើញថាទីផ្សារលក់ស្មាតហ្វូនក្នុងប្រទេសចិននាត្រីមាសទី ១ ឆ្នាំ ២០១៨ ចាប់មានការធ្លាក់ចុះ។ ក្នុងចំណោមក្រុមហ៊ុនកំពូលទាំង ១០ មានដល់ទៅ ៨ បរាជ័យក្នុងការលក់ ធ្វើឲ្យតួលេខសរុបធ្លាក់ដល់ទៅ ២១ ភាគរយ ពោលគឺប្រមាណ ៩១ លានគ្រឿង។
ជើងខ្លាំងអាមេរិក Apple ធ្លាក់មកដល់លេខ ៤ ក្រោយស្លាកយីហោក្នុងស្រុក Xiaomi ផ្តើមឡើងកូដដល់ទៅ ៣៧ ភាគរយ ស្មើនឹង ១២ លានគ្រឿង ស្របពេលក្រុមហ៊ុនឈរតារាងកំពូល Huawei រួមបញ្ចូលទាំងស្លាកយីហោ Honor កើនបាន ២ ភាគរយ។ បើសរុបត្រឹមក្រុមហ៊ុនចិនធំៗទាំង ៤ មាន Huawei, Oppo, Vivo និង Xiaomi អាចក្តោបក្តាប់ច្រើនជាង ៧៣ ភាគរយ ត្រឹមត្រីមាសទី ១ ឆ្នាំដដែលនេះ។
អ្នកវិភាគឲ្យក្រុមហ៊ុន Canalys លោក Hattie He បានមានប្រសាសន៍ថា៖ "Xiaomi ជាក្រុមហ៊ុនតែមួយគត់ក្នុងចំណោមក្រុមហ៊ុនកំពូលទាំង ៥ ដែលផ្តោតសំខាន់លើការលក់ស្មាតហ្វូនធុនតូចតម្លៃ ១ ០០០ យន់ (ក្បែរ ១៦០ ដុល្លារ) ហើយមានជាង ៩០ ភាគរយ លក់ដាច់លើត្រកូល Redmi”។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ប្រទេសក្នុងអាស៊ីណាខ្លះ មានសមត្ថភាពខ្លាំងអាចផលិតថាមពលនុយក្លេអ៊ែរ?
លេង IG យូរហើយ ចង់ដោនឡូតឯកសារផ្ទាល់ខ្លួន ធ្វើតាមវិធីនេះ