ឡាន គីម ជុងអ៊ុន ជិះទៅជួបភាគីកូរ៉េខាងត្បូង អាចការពារដល់គ្រាប់បែក ឯតម្លៃវិញញាក់សាច់!

2018-04-27 07:22:21
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងវីដេអូប្រមាញ់បានដោយសារព័ត៌មានអាមេរិក CNN បានបង្ហាញឲ្យឃើញ អង្គរក្សចំនួន ១២ នាក់ រត់អមតាមឡានដែលមេដឹកនាំកូរ៉េខាងជើង គីម ជុងអ៊ុន ជិះចូលទៅទឹកដីកូរ៉េខាងត្បូង។

បើតាមកាសែតកូរ៉េខាងត្បូង Chosun បានចុះផ្សាយថា ឡានដែលលោក គីម ជុងអ៊ុន ជិះគឺម៉ាក Mercedes-Benz S600 Pullman Guard ដែលបានទិញកាលពីចុងខែតុលា ឆ្នាំ ២០១៥។

កាសែតខាងលើបង្ហាញថា រថយន្តម៉ូដែល S600 Pullman Guard នោះ ជារថយន្តការពារគ្រាប់ ដោយបានទិញពីប្រទេសអាល្លឺម៉ង់ ហើយត្រូវដឹកជញ្ជូនទៅកាន់ទីក្រុង Pyongyang ផ្ទាល់តែម្ដង។

ប្រភពដដែលបានបន្ថែមថា ក្រុមហ៊ុនរថយន្តអាល្លឺម៉ង់បានចំណាយពេលរាប់ខែ ក្នុងការកែច្នៃរថយន្តតាមការចង់បាន ដែលផ្ដល់ដោយមន្ត្រីសន្តិសុខរបស់កូរ៉េខាងជើង។ វាបំពាក់ដោយគ្រឿងការពារដ៏រឹងមាំបំផុត ដែលអាចទប់ទល់នឹងគ្រាប់កាំភ្លើង , គ្រាប់កាំភ្លើងត្បាល់ និងសូម្បីតែគ្រាប់មីនរថក្រោះ។ មិនតែប៉ុណ្ណោះ សូម្បីតែនៅពេលរថយន្តបែកកង់ ក៏នៅតែអាចធ្វើដំណើរក្នុងល្បឿន ១០០ គីឡូម៉ែត្រក្នុងមួយម៉ោងដោយគ្មានការភ័យព្រួយ។

រថយន្តមានសមត្ថភាពអស្ចារ្យខាងលើត្រូវប្រភពឲ្យដឹងថា មានតម្លៃរហូតដល់ទៅជិត ២ លានដុល្លារឯណោះ។

យ៉ាងណាមិញ ដោយសារតែក្រុមប្រឹក្សាសន្តិសុខអង្គការសហប្រជាជាតិ ហាមប្រាមការលក់រថយន្តទំនើប , គ្រឿងអលង្ការ , នាវា និងទំនិញតម្លៃខ្ពស់ៗ ទៅកាន់កូរ៉េខាងជើង ដូច្នេះប្រទេសផ្ដាច់ការមួយនេះបានទិញ រថយន្តខាងលើតាមរយៈក្រុមហ៊ុនពាណិជ្ជកម្មមួយ ដែលបានបង្កើតឡើងនៅក្នុងប្រទេសចិន ដើម្បីគេចវេះពីបម្រាមនេះ៕

ខាងក្រោមនេះគឺជាវីដេអូអង្គរក្ស ១២នាក់ អមសងខាងឡានលោក គីម ជុងអ៊ុន៖

ចុចអាន៖