អ្នកគាំទ្រចូលចិត្តមើលតែចំណុចអវិជ្ជមានពេក គ្រូ U21 ជម្រើសជាតិចេញមុខសំណូមពរ

2018-05-01 04:11:04
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ប្រាក់ សុវណ្ណារ៉ា មើលឃើញថា អ្នកគាំទ្រកម្ពុជាមានការលើកទឹកចិត្តចំពោះជម្រើសជាតិ ហាក់មិនស្មោះស្ម័គ្រ ដោយចូលចិត្តមើលផ្លូវមិនល្អទាំងលទ្ធផលល្អឬអាក្រក់ក្ដី។

លោក ប្រាក់ សុវណ្ណារ៉ា

គ្រូជម្រើសជាតិ U21 កម្ពុជារូបនេះបានឲ្យដឹងថា នៅពេលក្រុមជម្រើសជាតិប្រកួតចាញ់ U21 ឡាវ អ្នកខ្លះថា មកពីគ្រូមិនកើត កីឡាករលេងមិនល្អ មិនអស់សមត្ថភាព។ ប៉ុន្តែនៅពេលក្រុមកម្ពុជាយកឈ្នះ U21 សិង្ហបុរី យប់មិញវិញ អ្នកខ្លះនិយាយថា មកពីក្រុមសិង្ហបុរី លេងមិនចង់ឈ្នះ ពីព្រោះពួកគេបានឡើងទៅវគ្គបន្តរួចហើយ។

លោកបន្ថែមថា ការគិតបែបនេះហាក់មិនមើលឃើញពីភាពវិជ្ជមានរបស់ក្រុមជម្រើសជាតិ ដោយចូលចិត្ត គិតទៅលើផ្លូវអវិជ្ជមានច្រើនជាង។ ហេតុនេះក្នុងនាមលោកជាគ្រូបាល់ទាត់ម្នាក់ លោកសូមសំណូមពរថា គួរណាស់មានការលើកទឹកចិត្ត បើទោះក្រុមជម្រើសជាតិចាញ់ឬឈ្នះក្ដី។ មិនត្រូវបន្ទោសបង្អាប់ បែបនេះពិសេសសូមគិតទៅលើផ្លូវវិជ្ជមានខ្លះផង។

ក្រុម U21 កម្ពុជា បានឡើងទៅកាន់វគ្គ ៤ ក្រុមចុងក្រោយនៃពានស្ដេចប្រ៊ុយណេ ក្រោយយកឈ្នះក្រុម សិង្ហបុរី ១-០ កាលពីយប់មិញ។ វគ្គ ៤ ក្រុមចុងក្រោយ U21 កម្ពុជា នឹងត្រូវជួបក្រុម U21 មីយ៉ាន់ម៉ា នៅថ្ងៃទី២ ខែឧសភា ឆ្នាំ២០១៨ វេលាម៉ោង ៧:១៥ នាទី(ម៉ោងនៅកម្ពុជា)៕

អត្ថបទ៖ ស្រី សុវណ្ណដារ៉ា