ស្ដែងបំផុត! ស្ត្រីម្នាក់ប៊ិះក្ស័យជីវិត ក្រោយមិនព្រមឈប់បារ៉ាស់រថភ្លើង (មានវីដេអូ)

2018-05-02 02:28:49
ចំនួនមតិ 0 | ចំនួនចែករំលែក 0

ចន្លោះមិនឃើញ

វីដេអូគួរឲ្យរន្ធត់មួយ បានបង្ហាញពីសកម្មភាពស្ត្រីម្នាក់ផ្លោងចេញពីម៉ូតូចូលក្នុងផ្លូវរថភ្លើងក្រោយមិនព្រមឈប់បារ៉ាស់។

ហេតុការណ៍នេះកើតឡើងនៅផ្លូវរថភ្លើងខេត្ត Chumphon ប្រទេសថៃ ដោយសារស្ត្រីវ័យកណ្ដាលរូបនេះមិនព្រមគោរពភ្លើងក្រហមប្រាប់សញ្ញាថារថភ្លើងជិតមកដល់។ មុនពេលកើតហេតុ គេឃើញស្ត្រីខាងលើជិះម៉ូតូយ៉ាងលឿន ខណៈមកដល់កន្លែងកើតក៏បានបុកបារ៉ាស់រួចផ្លោងចូលទៅលើផ្លូវរថភ្លើងតែម្ដង។ យ៉ាងណាមិញ ជាសំណាងល្អបុគ្គលិកស្ថានីយរថភ្លើងម្នាក់បានស្ទុះមកជួយលើកម៉ូតូ និងស្ត្រីរងគ្រោះចេញពីផ្លូវរថភ្លើងទាន់ពេលវេលា មុនពេលរថភ្លើងមកដល់។

ក្រោយពេលកើតហេតុ នាយកដ្ឋានផ្លូវដែកថៃបានចេញសេចក្តីថ្លែងការណ៍មួយស្នើសុំឲ្យប្រជាជនទាំងអស់ចូលរួមគោរពច្បាប់ចរាចរណ៍ និងប្រុងប្រយ័ត្នខ្ពស់ទាំងអស់គ្នាដើម្បីជៀសវាងជួបហេតុការណ៍ដូចស្ត្រីខាងលើ៕

សូមទស្សនាវីដេអូខាងក្រោម ៖

ចុចអាន ៖

ប្រភព៖ Dailymail ប្រែសម្រួល៖ រ័ត្ន