កម្របំផុត! ចាប់បានក្រពើទម្ងន់ជិត ១តោន តែបែរនាំគ្នាធ្វើរឿងមួយទៅវិញ (មានវីដេអូ)

2018-05-03 04:39:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រពើមួយក្បាលទម្ងន់ជិត ១តោនត្រូវក្រុមកម្មករចម្ការដូងប្រេងព្រួតគ្នាចាប់បានកាលពីថ្ងៃ ចន្ទ ក្នុងខេត្ត Aceh ប្រទេស ឥណ្ឌូណេស៊ី។

យោងតាមប្រធានមជ្ឈមណ្ឌលអភិរក្សធនធានធម្មជាតិខេត្ត Aceh លោក Aji Prabowo ឲ្យដឹងថា ដំបូងឡើយកម្មករម្នាក់បានប្រទះឃើញសត្វក្រពើនេះកំពុងព្យាយាមចាប់ស៊ីពពែមួយក្បាល រួចហើយគេក៏នាំគ្នីគ្នាមកប្រមាញ់ក្រពើនេះរហូតបានសម្រេចតែម្ដង។ លោក Aji បន្ថែមថា ក្រោយពីទទួលបានដំណឹងនេះ ក្រុមអ្នករបស់លោកក៏បានចុះមកដល់កន្លែងកើតហេតុភ្លាមៗ។

ប្រធានមជ្ឈមណ្ឌលអភិរក្សធនធានខាងលើបន្តថា ក្រពើនេះមានប្រវែងប្រហែល ៥ម៉ែត្រ ទម្ងន់ជាង ៩០០ គីឡូក្រាម ហើយអ្វីដែលសំខាន់ជាងនេះគឺវាមានអាយុរហូតដល់ ៩០ ឆ្នាំឯណោះ។ ជាលទ្ធផល ក្រុមកម្មករទាំងអស់ និងអ្នកភូមិបានស្រះស្រួលគ្នាប្រគល់ក្រពើនេះឲ្យទៅក្រុមអ្នកអភិរក្ស ដើម្បីយកទៅប្រលែងក្នុងព្រៃ Kota Langsa វិញដែលជាជម្រកដ៏មានសុវត្ថិភាពសម្រាប់វា៕

សូមទស្សនាវីដេអូខាងក្រោម ៖

ចុចអាន ៖

ប្រភព៖ Coconut ប្រែសម្រួល៖ រ័ត្ន