Facebook កំពុងពិចារណា មិនដាក់ផ្សាយពាណិជ្ជកម្ម លួងចិត្តអ្នកគាំទ្រ

2018-05-06 02:48:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីមានការបែកធ្លាយព័ត៌មានអ្នកប្រើប្រាស់ជាង ៧៥ លានគណនី និងរឿងរ៉ាវចម្រូងចម្រាសជាច្រើនទៀត Facebook បាននឹងកំពុងសិក្សាលទ្ធភាព បង្កើតមុខងារថ្មីមួយទៀតគឺ "ជម្រើសដាក់ផ្សាយពាណិជ្ជកម្មមិនគិតថ្លៃ"។

យោងតាមប្រភពព័ត៌មានបានឲ្យដឹងថា Facebook បានលើកគម្រោងនេះមកពិចារណា ក្នុងន័យដើម្បីឲ្យចំនួនអ្នកប្រើប្រាស់នៅលើបណ្ដាញទំនាក់ទំនងយក្សមួយនេះ កាន់តែទាក់ទាញជាងមុន។

ស្ថាបនិក Facebook លោក Mark Zuckerberg បាននិយាយថា៖ "ការបង្កើតមុខងារមិនដាក់ផ្សាយពាណិជ្ជកម្មនេះ ជាអ្វីដែលខ្ញុំធ្លាប់បានគិត មុនមានរឿងរ៉ាវទៅទៀត។ ការដែលបង្កើតជម្រើសនេះ យើងអាចរក្សាចំនួនអ្នកប្រើ ក៏ដូចជា លួងចិត្តពួកគេមិនឲ្យលុបកម្មវិធី Facebook ចេញពីទូរសព្ទ”។

ត្បិតតែមុខងារល្អសម្រាប់អ្នកប្រើប្រាស់ក៏ពិតមែន ប៉ុន្តែវាក៏ផ្ដល់បញ្ហាច្រើនដែរ។ ជាក់ស្ដែង តាមរបាយការណ៍ចំណូលរបស់ Facebook កាលពីឆ្នាំមុន ទទួលបានជាង ៤១ ប៊ីលានដុល្លារ(ពាន់លាន) បានមកពីដាក់ផ្សាយពាណិជ្ជកម្ម ដែលភាគច្រើនផ្អែកលើទិន្នន័យអ្នកប្រើប្រាស់។

តោះ! មកដឹងពីរបៀបរកប្រាក់ចំណូលរបស់ Facebook

បញ្ហានេះជាចំណោទដល់ CEO រួមនិង COO អ្នកស្រី Sheryl sandberg។ អ្នកស្រីបានលើកឡើងថា "ខណៈពេលនេះ យើងកំពុងតែពិចារណា ចំពោះការសម្រេចយ៉ាងណានោះនៅមិនទាន់ប្រាកដនៅឡើយទេ។ រីឯCEO លោកMark Zuckerber បាននិយាយថា ប្រសិនបើ មិនដាក់ផ្សាយពាណិជ្ជកម្មទៀត នោះគ្រប់យ៉ាងពី Facebook នឹងមិនគិតថ្លៃទាំងអស់៕

អានអត្ថបទ៖

ប្រភព៖ PhoneArena ប្រែសម្រួល៖ រក្សា