ព័ត៌មានលម្អិតពីតួកូនៗរបស់ Thanos ក្នុងរឿង "Avengers: Infinity War”
- 2018-05-07 04:20:51
- ចំនួនមតិ 0 | ចំនួនចែករំលែក 0
ព័ត៌មានលម្អិតពីតួកូនៗរបស់ Thanos ក្នុងរឿង "Avengers: Infinity War”
ចន្លោះមិនឃើញ
តួអង្គកូនៗរបស់ Thanos ដែលមានវត្តមានក្នុងរឿង "Avengers: Infinity War” គឺមានទស្សនិកជនជាច្រើនមានការភាន់ច្រឡំជាមួយនឹងកូនស្រីដែលតួអង្គចិត្តអាក្រក់មួយនេះយកមកចិញ្ចឹម (Gamora និង Nebula)។
ជាក់ស្ដែង កូនៗរបស់ Thanos ទាំងនេះគឺជាក្រុមចម្បាំងមួយដែលស្គាល់ឈ្មោះថាជា Black Orderដោយមានសមាជិកទាំងអស់ ៤នាក់ រួមមាន Corvus Glaive, Proxima Midnight, Cull Obsidian, និង Ebony Maw។
ដើម្បីស្រាយចម្ងល់ រួមនឹងកុំឲ្យប្រិយមិត្តមានការភាន់ច្រឡំតទៅទៀតនោះ ខាងក្រោមនេះជាការពន្យល់ពាក់ព័ន្ធនឹងតួអង្គនីមួយៗនៃក្រុម Black Order ។
១. តួអង្គ Corvus Glaive
នៅក្នុងសៀវភៅត្លុក Corvus Glaiveត្រូវបានជ្រើសរើសឲ្យធ្វើជាអ្នកដឹកនាំក្រុម Black Order ដោយសារតែជំនាញដ៏អស្ចារ្យរបស់លោកក្នុងនាមជាកងទ័ពមួយរូប។ តួអង្គនេះដែរ មានថាមពលមហិមា និងរហ័សរហួន រួមទាំងមានជីវិតអមត។ គេកាន់ដាវវែងជាអាវុធ ដែលអាចកាត់វត្ថុគ្រប់យ៉ាងទាំងអស់។
២. តួអង្គ Proxima Midnight
តួអង្គនេះ ត្រូវជាប្រពន្ធរបស់ Corvus Glaive។ មិនខុសពីប្តីរបស់នាងនោះទេ Proxima Midnightកាន់អាវុធដ៏អស្ចារ្យជាប់នឹងដៃរបស់នាង។ នាងកាន់លំពែងដែលបង្កើតឡើងដោយ Thanos ផ្ទាល់ ដែលច្នៃឡើងពីថាមពលរបស់តារា ហើយមានសមត្ថភាពកែប្រែតួអង្គ Hulk ទៅជា Bruce Banner បានជាមួយនឹងថាមពលរបស់វា។
៣. តួអង្គ Cull Obsidian
ក្នុងសៀវភៅត្លុក តួអង្គបិសាចនេះ មានឈ្មោះថា Black Swarf។ Cull Obsidian ជាឈ្មោះមួយទៀត ប្រើក្នុងក្រុម Black Order។ តួអង្គ Cull គឺជាតួអង្គមួយដែលមានកម្លាំងដូច Hulk ជាបិសាចមានមាឌធំ និងកម្លាំងខ្លាំងក្លា។ ស្បែករបស់គេ គឺស្វិតមាំ និងមិនអាចវាយទម្លុះបានឡើយ។
៤. តួអង្គ Ebony Maw
តួអង្គនេះ មានមុខមាត់ស្រដៀងទៅនឹង Voldemort ដោយមុខមាត់ស្លេកស្លាំង ហើយអត់ច្រមុះដូចគ្នា។Ebony Maw មានជំនាញដ៏អស្ចារ្យមួយដែលអាចបញ្ជារបស់របរនៅជុំវិញខ្លួនរបស់គេបានទាំងអស់។ ជំនាញរបស់គេ គឺមិនប្រើកម្លាំងបាយក្នុងការប្រយុទ្ធនោះទេ ប៉ុន្តែប្រើប្រាស់ខួរក្បាលបញ្ជាជាអាវុធ។ ដូចដែលប្រិយមិត្តបានទស្សនារឿង "Avengers: Infinity War” ហើយ តួអង្គមួយនេះគឺអាចគ្រប់គ្រង និងបញ្ជាវត្ថុគ្រប់យ៉ាងក្នុងការប្រយុទ្ធរបស់គេបាន៕
ចុចអាន៖
Avengers: Infinity War រកចំណូលបាន ១ប៊ីលានដុល្លារត្រឹម១១ថ្ងៃ
Avengers: Infinity War បំបែកកំណត់ត្រា Box Office ថ្មីមួយទៀតសប្ដាហ៍ទី២