ទីបំផុត Ariana Grande ចេញមុខនិយាយរឿងបែកបាក់គ្នាជាមួយ Mac Miller ហើយ

2018-05-11 02:13:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីដំណឹងចែកផ្លូវគ្នាបានផ្ទុះឡើងដែលធ្វើឲ្យអ្នកគាំទ្រមានការភ្ញាក់ផ្អើលជាខ្លាំងនោះ ពេលនេះ តារាចម្រៀង Ariana Grande បានចេញបញ្ជាក់ជាលើកដំបូងជុំវិញបញ្ហានេះ។

ម្ចាស់បទ "No Tears Left to Cry” រូបនេះបានបង្ហោះរូបភាពមួយសន្លឹកលើ Story របស់គណនី Instagram របស់នាងកាលពីថ្ងៃព្រហស្បតិ៍ ជាមួយនឹងសារមួយដែលរៀបរាប់ពីការចែកផ្លូវគ្នារបស់នាង។

រូបភាពមួយសន្លឹកនោះដែរ ជារូបភាពរបស់នាងឱបគ្នាជាមួយ Dj Mac Miller ដែលមានឈ្មោះពិតប្រាកដថា Malcolm McCormick រួមនឹងពាក្យពេចន៍មួយចំនួនសរសេរលើរូបមួយសន្លឹកនោះថា៖

"សួស្ដី! នេះគឺ Malcolm McCormick ជាមិត្តល្អបំផុតនិងជាមនុស្សដែលខ្ញុំចូលចិត្តបំផុតនៅលើភពផែនដីនេះ។ ខ្ញុំគោរព និងស្រឡាញ់គាត់រៀងរហូត ហើយខ្ញុំពិតជាអរគុណគាត់ដែលជាមនុស្សម្នាក់ចូលមកក្នុងជីវិតខ្ញុំគ្រប់ទម្រង់ និងគ្រប់ពេលវេលាទាំងអស់ ដោយទោះបីជាទំនាក់ទំនងរបស់ពួកយើងត្រូវបានផ្លាស់ប្ដូរពេលនេះក៏ដោយ។

ក្ដីស្រឡាញ់ដែលគ្មានព្រំដែនគឺមិនអាត្មានិយមទេ។ វាគឺជាការចង់ឲ្យអ្វីៗកាន់តែល្អប្រសើរសម្រាប់មនុស្សម្នាក់ ទោះបីជាក្នុងពេលនេះ វាមិនមែនជាអ្នកក៏ដោយ។

ខ្ញុំពិតជាចង់ដឹងពីលោក និងគាំទ្រលោកជារៀងរហូត ហើយខ្ញុំពិតជាមានមោទនភាពចំពោះលោកខ្លាំងណាស់!!”។

គួររម្លឹកដែរថា តារាចម្រៀង Ariana Grande និង DJ Mac Miller បានប្រកាសជាសាធារណៈពីដំណឹងចែកផ្លូវគ្នារបស់ពួកគេកាលពីថ្ងៃពុធ ហើយចំពោះមូលហេតុនៃការសម្រេចចិត្តជ្រើសយកផ្លូវមួយនេះដោយសារតែ ពួកគេមានការងារមមាញឹកខ្លាំងរៀងៗខ្លួន៕

ចុចអាន៖

ប្រភព៖ Eonline ប្រែសម្រួល៖ អន សុភក្ត្រា