កុំឲ្យចាញ់ចិត្ត! Asus មានស្មាតហ្វូន Gamer កម្លាំងខ្លាំង ត្រៀមបង្ហាញនៅខែក្រោយ

2018-05-13 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនជាច្រើនរួមមាន Razer, Xiaomi, ZTE បានចាប់ប្រលូកចូលវិស័យផលិតស្មាតហ្វូន Gamer ហើយក៏កំពុងទទួលបានការចាប់អារម្មណ៍ខ្លាំងនៅលើទីផ្សារពិភពលោក។ ក្រឡេកទៅមើល Asus ត្រូវបានគេរាយការណ៍ស្រដៀងគ្នា ថានឹងចេញលក់ស្មាតហ្វូន Gamer ម៉ូឌែលថ្មីរបស់ខ្លួននាខែមិថុនាខាងមុខនេះ។

ជាការចូលរួមផលិតដោយ ROG (Republic Of Gamers) ដែលជាស្លាកយីហោស្ថិតក្រោមការគ្រប់គ្រងរបស់ Asus ត្រៀមបង្ហាញក្នុងពិព័រណ៍ Computex នៅតៃវ៉ាន់អំឡុងថ្ងៃទី ៥ ដល់ ៩ មិថុនា ឆ្នាំ ២០១៨។ លក្ខណៈសម្បត្តិម៉ាស៊ីនរំពឹងប្រើឈីប Snapdragon 845 ជំនាន់ក្រោយបង្អស់ អមទំហំ RAM ធំឡើងដល់ 8GB ជាមួយនឹងកម្រិត High-refresh Rate រត់បានលឿនក្បែរ ១២០ ទៅ ១៤៤ Hz។

ចំពោះតម្លៃនៅជាប់ជាមន្ទិលសង្ស័យរបស់អ្នកគាំទ្រនៅឡើយ ប៉ុន្តែត្រឹមលក្ខណៈសម្បត្តិម៉ាស៊ីនប៉ុននេះ សមល្មមនឹងអាចរត់ហ្គេមធំៗ ដែលកំពុងពេញនិយមបច្ចុប្បន្ន រួមមាន PUBG Mobile ឬ Rule Of Survival ជាដើម។