អ្នកគ្រប់គ្រងរបស់ លី លានជា ស្រាយបំភ្លឺពីរូបភាពចាស់ទ្រុឌទ្រោមរបស់លោក

2018-05-23 02:55:06
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគ្រប់គ្រងរបស់តារាសម្ដែង Jet Li (លី លានជា) បានចេញមុខបកស្រាយពីបញ្ហាដែលអ្នកគាំទ្រកំពុងមានការព្រួយបារម្ភពីសុខភាពរបស់លោកបច្ចុប្បន្ន ដោយបញ្ជាក់ថា រូបភាពមួយសន្លឹកដែលបានឃើញលោកមានសភាពចាស់ទ្រុឌទ្រោមនោះ គឺដោយសារតែថតខុសបច្ចេកទេស ខុសទម្រង់។

អ្នកគាំទ្ររបស់តារាសម្ដែងជើងចាស់រូបនេះ បានបង្ហោះសារជូនពរ អមជាមួយនឹងរូបភាពមួយសន្លឹកដែលបង្ហាញពីភាពចាស់ទ្រុឌទ្រោមរបស់លោក លើពាសពេញបណ្ដាញសង្គម ដើម្បីជាការគាំទ្រ លើកទឹកចិត្តលោកឲ្យរឹងមាំទៅថ្ងៃមុខ។

តែទោះជាយ៉ាងណាក៏ដោយ បើតាមអ្នកគ្រប់គ្រងរបស់តារាសម្ដែងវ័យ ៥៥ឆ្នាំរូបនេះ លោក Steven Chasmanបានបញ្ជាក់យ៉ាងច្បាស់ថា តារាសម្ដែង លី លានជា គឺមានសុខភាពល្អ រឹងមាំធម្មតា។

លោកបាននិយាយថា៖ "ពួកយើងពិតជាស្ងើចសរសើរចំពោះការព្រួយបារម្ភរបស់អ្នកទាំងអស់គ្នា ប៉ុន្តែ Jet Li គឺពិតណាស់ លោកគ្មានបញ្ហាអ្វីនោះទេ។ គ្មានរឿងអ្វីកើតឡើងចំពោះលោកឡើយ។ ហើយក៏គ្មានជំងឺអ្វីធ្ងន់ធ្ងរគំរាមកំហែងជីវិតលោកដែរ។ លោកមានរូបរាងរឹងមាំល្អណាស់។ រូបភាពតែមួយសន្លឹកសោះ តែមនុស្សគ្រប់គ្នាយកទៅបកស្រាយឲ្យខុស។ ប្រសិនបើ អ្នកថតរូបខ្ញុំនៅជ្រុងខុស និងពេលវេលាក៏មិនត្រូវដែរនោះ ខ្ញុំក៏មើលទៅឃើញចាស់ជ្រីវជ្រួញ ទ្រុឌទ្រោមដូចគ្នាដែរ"៕

ចុចអាន៖

ប្រភព៖ nextshark ប្រែសម្រួល៖ អន សុភក្ត្រា