ផល សោភ័ណ្ឌ សង្ឃឹមត្រឹម៥០%ប៉ុណ្ណោះ ប៉ះ ឡៅ ចិត្រា វគ្គផ្ដាច់ព្រ័ត្រ

2018-05-23 06:20:15
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ច្បាស់កែង ផល សោភ័ណ្ឌ ថា សម្រាប់ការប្រកួតវគ្គផ្ដាច់ព្រ័ត្រខ្សែក្រវាត់ Carabao ប៉ះសិស្សប្អូន ឡៅ ចិត្រា នេះ គឺហ្វឹកហាត់ត្រៀមធម្មតាដូចរាល់ដង មិនមានជាការហាត់ពិសេសអ្វីនោះទេ។

កីឡាករ ផល សោភ័ណ្ឌ

ផល សោភ័ណ្ឌ បានឲ្យដឹងថា សិស្សប្អូន ឡៅ ចិត្រា បើនិយាយពីស្នៀតប្រយុទ្ធ គឺល្អគ្រប់ទាំងអស់ មិនថាកែង ទាត់ ជង្គង់ សុទ្ធតែល្អ។ បើនិយាយពីហ្វឹកហាត់មិនត្រៀមវិញ ដូចរាល់ដង គឺហាត់ឲ្យបានដិតដល់ ហូបចុកឲ្យត្រឹមត្រូវគ្រប់គ្រាន រីឯការគេងក៏ដូចគ្នាត្រូវតែបានគ្រប់គ្រាន់ តែប៉ុណ្ណេះអាចប្រកួតបានហើយ។

ផល សោភ័ណ្ឌ ឈ្នះវគ្គពាក់កណ្ដាលផ្ដាច់ព្រ័ត្រ

ចំពោះការរំពឹងទុកមុនការប្រកួតវិញ កូនសិស្សមកពីក្លឹបតាឡី ខាងលើ សង្ឃឹម ៥០%សិន ទុកខ្លះទៀតលើការប្រកួតជាក់ស្ដែង ព្រោះការប្រកួតមិនអាចថាទុកមុនទេ ជូនកាលប្រសិនបើអ្នកណាភ្នាត់ស្នៀតអាចនឹងចាញ់គ្រប់ពេល។ អតីកកីឡាករជម្រើសរើសជាតិរូបនេះបន្ថែមជាចុងក្រោយទៀតថា មិត្តភ័ក្ររាប់អានគ្នាទុកសិន ពេលឡើងសង្វៀនគឺប្រកួតប្ដូរផ្ដាច់ហើយ ចាំចុះមកវិញគឺនៅតែរាប់អានគ្នាធម្មតា។

ឡៅ ចិត្រា ពេលឈ្នះថៃកន្លងទៅ

ផល សោភ័ណ្ឌ ជាអ្នកប្រដាល់មកពីក្លឹបតាឡីដំរីមានរិទ្ធ ក្នុងខណ្ឌដង្ដោ រាជធានីភ្នំពេញ នៅថ្ងៃអាទិទ្យ ទី២៧ ខែឧសភា ឆ្នាំ២០១៨ ខាងមុខនេះ គេនឹងត្រូវប៉ះសិស្សប្អូន ឡៅ ចិត្រា វគ្គផ្ដាច់ព្រ័ត្រខ្សែក្រវាត់ Carabao៕

អត្ថបទ៖ នួន ស៊ីណា