ធន់ មករា មាននិស្ស័យខាងប្រដាល់តាំងពីតូចមកម្ល៉េះ

2018-05-23 02:31:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ឪពុករបស់ ធន់ មករា ថា កូនប្រុសម្នាក់នេះ មាននិស្ស័យខាងប្រដាល់តាំងពីតូចមកម្ល៉េះ ព្រោះឲ្យតែដល់សង្វៀនប្រកួតម្ដងៗមិនចង់ចេញនោះទេ។

ធន់ មករា និងឪពុក

លោក កែវ ពៅ ដែលជាឪពុករបស់ ធន់ មករា ប្រាប់ឲ្យដឹងថា ចំពោះការចូលប្រឡូកក្នុងវិសិស័យប្រដាល់របស់កូនម្នាក់នេះ គឺគេស្រឡាញ់ចូលចិត្តដោយខ្លួនឯង មិនបានបង្វិតបង្ខំអ្វីនោះឡើយ។ ពីមុនលោកក៏ជាអ្នករៀបចំកម្មវិធីប្រដាល់ម្នាក់ដែរ ហើយពេលនោះឃើញកូនប្រុសខាងលើនេះ ឲ្យតែដល់សង្វៀន បើបានឡើងហើយ គឺមិនចង់ចុះមកវិញទេ រាល់ពេលគឺបែបនេះរហូត។

ធន់ មករា ឈ្នះនៅសង្វៀនអាស៊ីអាគ្នេយ៍

បុរសវ័យ ៥៦ឆ្នាំខាងលើបន្ថែមថា ក្នុងនាមជាឪពុករបស់គេ បើឃើញកូនស្រឡាញ់ទៅហើយ មានតែជំរុញបន្ថែមដើម្បីឲ្យរូបគេជោគជ័យលើវិស័យមួយនេះប៉ុណ្ណោះ ប៉ុន្តែក៏លោកឆ្លៀតឲ្យគេបានសិក្សាខ្លះដែរ។ ទន្ទឹមនិងនេះដែរ លោកក៏បានព្យាយាមពន្យល់ដាស់តឿនកូន ឲ្យខំប្រឹងហ្វឹកហាត់ និងត្រូវជៀសឲ្យឆ្ងាយពីទង្វើលមិនល្អនានា បើកូនចង់ជោគជ័យក្នុងកីឡាប្រដាល់នេះ។

ធន់ មករា ឈ្នះ យុគ យក្សផ្លែ

លោក កែវ ពៅ ជាអតីតអ្នកប្រដាល់សកលនៅអំឡុងឆ្នាំ១៩៩៤ និងជាអ្នករៀបចំកម្មវិធីប្រដាល់នៅតាមបណ្ដាខេត្តនានានៅពេលនោះផងដែរ។ លោកជាឪពុកបង្កើតរបស់ ធន់ មករា កីឡាករវ័យក្មេងកំពុងលេចធ្លោម្នាក់នៅក្លឹបប្រដាល់សមាគមនក្រសួងការពារជាតិ៕

អត្ថបទ៖ នួន ស៊ីណា