ជនជាតិភាគតិចអេក្វាឌ័រ ស្នើពិភពលោកធ្វើរឿងមួយ ដើម្បីការពារព្រៃ អាម៉ាហ្សូន

2018-05-24 09:34:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ជនជាតិភាគតិច Waorani ដែលរស់នៅប្រទេស អេក្វាឌ័រ បាននាំគ្នាដាក់ញត្តិស្នើឲ្យពិភពលោកជួយការពារព្រៃ អាម៉ាហ្សូន។

យោងតាមកាសែត Aljazeera ឲ្យដឹងថា សហគមន៍ Waorani ទាំង ១៨ បានដាក់ញត្តិអន្តរជាតិមួយកាលពីថ្ងៃ ពុធ ដោយបានស្នើសុំពិភពលោកចុះហត្ថលេខាហាមឃាត់កុំឲ្យមានការបូមនៅដែនដីរបស់ពួកគេ។ ប្រភពដដែលបន្ថែមថា ជនជាតិភាគតិច Waorani ទាំងនេះកំពុងរស់នៅភាគអាគ្នេយ៍នៃព្រៃ អាម៉ាហ្សូន ដែលជាតំបន់មានជីវចម្រុះច្រើនបំផុតមួយក្នុងពិភពលោក។

ជនជាតិភាគតិចម្នាក់គឺអ្នកស្រី Nemonte Nenquimo ឲ្យដឹងថា "យើងចង់ឲ្យគ្រប់គ្នាដឹងថាហេតុអ្វីបានជាយើងរស់នៅទីនេះ ហើយវាជាអ្វីៗទាំងអស់ដែលយើងមាននៅទីនេះ។ ដូច្នេះ យើងសង្ឃឹមថាពួកគេនឹងយល់ពីផលប៉ះពាល់របស់ឧស្សាហកម្មប្រេងមកលើសហគមន៍របស់យើង។"

គួរឲ្យដឹងថា កាលពីដើមឆ្នាំនេះ ប្រធានាធិបតី អេក្វាឌ័រ បានដាក់ដេញថ្លៃតំបន់ភាគអាគ្នេយ៍នៃព្រៃអាម៉ាហ្សូន ឲ្យទៅឧស្សាហកម្មប្រេង និង ឧស្ម័នធម្មជាតិ ជាហេតុធ្វើឲ្យមានការប៉ះពាល់យ៉ាងខ្លាំងដល់ជនជាតិភាគតិចក្នុងតំបន់៕