ក្រុមបាល់ទះនារីខេត្តពោធិ៍សាត់ ធ្វើរឿងគួរឲ្យយកគំរូតាម១ ទើបអាចឈ្នះពានថ្នាក់ជាតិ
- 2018-05-31 08:28:29
- ចំនួនមតិ 0 | ចំនួនចែករំលែក 0
ក្រុមបាល់ទះនារីខេត្តពោធិ៍សាត់ ធ្វើរឿងគួរឲ្យយកគំរូតាម១ ទើបអាចឈ្នះពានថ្នាក់ជាតិ
ចន្លោះមិនឃើញ
ក្រុមបាល់ទះនារីខេត្តពោធិ៍សាត់បានឈ្នះមេដាយមាសលើកពានក្នុងព្រឹត្តិការណ៍កីឡាជាតិលើកទី២ លើប្រភេទកីឡាបាល់ទះនារីក្នុងសាល មុននេះនៅពហុកីឡដ្ឋានជាតិ ដោយយកឈ្នះខេត្តកណ្ដាលទាំងប្រផឹតប្រផើយ ៣-២ នៅវគ្គផ្ដាច់ព្រ័ត្រ។
លោក នឹម កុសល នាយបេសកកម្មរងមន្ទីរអប់រំយុវជន និងកីឡាខេត្តពោធិ៍សាត់បានឲ្យដឹងថា ក្រុមកីឡាការិនីបាល់ទះ ដែលលោកយកមកនេះគឺរស់នៅឆ្ងាយពីគ្នាមែនទែន រហូតដល់ជាង ១០០គីឡូម៉ែត្រពីគ្នា។ ខេត្តរបស់លោកបានធ្វើការស្រាវជ្រាវគ្រប់ភូមិស្រុក ដើម្បីចម្រាញ់យកកីឡាការិនីល្អៗ មកធ្វើការប្រកួតក្នុងព្រឹត្តិការណ៍ខាងលើ។
លោកបន្ថែមថា ការប្រមូលផ្ដុំពិតជាមានការលំបាកខ្លាំង ដោយសារពួកគេនៅឆ្ងាយពីគ្នាខ្លាំងពេក ប៉ុន្តែនេះជាជម្រើសល្អបំផុត ដើម្បីប្រមូលយកកីឡាការិនីល្អមកលេងតំណាងខេត្ត។ ការប្រមូលផ្ដុំសម្រាប់ព្រឹត្តិការណ៍ខាងលើនេះគឺមានរយៈពេលត្រឹម ៤ ប៉ុណ្ណោះ ដោយយកមកពីស្រុកចំនួនបីគឺស្រុក វាលវែង ក្រុង ពោធិ៍សាត់ និងស្រុក កណ្ដៀង។
ខេត្តពោធិ៍សាត់គឺជាម្ចាស់ជើងឯកបាល់ទះនារីក្នុងសាលកាលកីឡាជាតិលើកទី១ ប៉ុន្តែកីឡាការិនីដែលមកលេងកីឡាករជាតិលើកទី២នេះ គឺសល់ពីការប្រកួតកីឡាជាតិលើកទី១តែម្នាក់គត់ ក្រៅពីនោះគឺជាកីឡាការិនីថ្មី៕