មុខងារពិសេសមួយក្នុង iOS 12 មានប្រយោជន៍ខ្លាំងសម្រាប់អ្នកមានបញ្ហាត្រចៀក
- 2018-06-06 09:37:50
- ចំនួនមតិ 0 | ចំនួនចែករំលែក 0
មុខងារពិសេសមួយក្នុង iOS 12 មានប្រយោជន៍ខ្លាំងសម្រាប់អ្នកមានបញ្ហាត្រចៀក
ចន្លោះមិនឃើញ
ក្នុងព្រឹត្តិការណ៍ WWDC ២០១៨ ក្រុមហ៊ុន Apple បានបង្ហាញពីប្រព័ន្ធប្រតិបត្តិការថ្មីសម្រាប់ iPhone, iPad និង iPod គឺ iOS 12 ។ ក្នុងនោះ Apple បានបង្ហាញមុខងារដ៏ចាប់អារម្មណ៍មួយហៅថា Live Listen។
Live Listen គឺជាមុខងារមួយ ដែលអាចធ្វើឲ្យកាសឥតខ្សែ AirPods ឮពីអ្វីដែលនៅជុំវិញ ឬឆ្ងាយពីខ្លួនបានយ៉ាងល្អប្រសើរ ដោយប្រើប្រាស់ iPhone ជាប្រដាប់ស្រូបសំឡេងតែម្ដង។ វាត្រូវបានប្រើប្រាស់មកប៉ុន្មានឆ្នាំមកហើយក្នុងឧបករណ៍ជំនួយក្នុងការស្ដាប់ សម្រាប់ iPhone តែទើបតែពេលនេះ វាចេញមកឲ្យប្រើជាមួយ AirPods សម្រាប់មនុស្សទូទៅ ដែលមានបញ្ហាក្នុងការស្ដាប់ដែរ តែមិនធ្ងន់ធ្ងរខ្លាំង។
ពេល iPhone ភ្ជាប់ជាមួយនឹងកាស AirPods គេអាចយកទូរសព្ទ iPhone ទៅដាក់នៅទីតាំងសំឡេង ដែលអ្នកចង់ឮនោះ។ ឧទាហរណ៍ នៅក្នុងកិច្ចប្រជុំតុវែងមួយ អ្នកអាចយក iPhone ទៅដាក់នៅកន្លែងដែលអ្នកពិបាកនឹងចាប់យកសំឡេង (ចុងតុម្ខាង ទៅចុងតុម្ខាងទៀត)។ មុខងារ Live Listen នឹងប្រើ iPhone ឲ្យដំណើរការជាប្រដាប់ស្រូបសំឡេងផ្ទាល់តែម្ដង ទោះបីវាភ្ជាប់ជាមួយកាសក៏ដោយ ព្រោះជាធម្មតាបើទូរសព្ទភ្ជាប់ជាមួយកាសហើយ គឺកាសនោះឯងបញ្ចេញសំឡេងផង និងស្រូបសំឡេងផង។
ម៉្យាងទៀត គុណសម្បត្តិរបស់ iPhone និង AirPods គឺវាអាចភ្ជាប់គ្នា បានដល់ប្រវែងជាង ៣០ ម៉ែត្រឯណោះ ដោយគុណសម្បត្តិរបស់ឈីប W1 ក្នុង AirPods។
យ៉ាងណាមិញ នៅមិនទាន់ដឹងពីព័ត៌មានលម្អិតនៅឡើយ ដោយ Apple នឹងបញ្ចេញ iOS 12 ជំនាន់សាកល្បងជាសាធារណៈ ក្នុងពេលប៉ុន្មានសប្ដាហ៍ខាងមុខ។
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
