Case ទូរសព្ទទំនើបអាចត្រួតពិនិត្យអាវុធជាតិផ្ទុះ តែតម្លៃកុំមើល iPhone X សូមចាញ់
- 2018-06-07 12:33:00
- ចំនួនមតិ 0 | ចំនួនចែករំលែក 0
Case ទូរសព្ទទំនើបអាចត្រួតពិនិត្យអាវុធជាតិផ្ទុះ តែតម្លៃកុំមើល iPhone X សូមចាញ់
ចន្លោះមិនឃើញ
ស្រោមទូរសព្ទ (Case) ឲ្យឈ្មោះថា SWORD បានផលិតឡើងជាពិសេសសម្រាប់ទូរសព្ទ iPhone 8 Plus មានសមត្ថភាពពិសេសអាចត្រួតពិនិត្យអាវុធនិងសារធាតុផ្ទុះនៅចម្ងាយដល់ទៅ ១២ ម៉ែត្រ ហើយឆ្លើយតបមកវិញតាមរយៈរលកវិទ្យុបញ្ជូនសំឡេងចេញពីឧបករណ៍។
ស្ថិតក្នុងតម្លៃ ១ ២៥០ ដុល្លារ ក្រៅពីអាចប្រើប្រាស់ជាមួយ iPhone 8 Plus ក៏អាចប្រើបាននៅលើ Pixel 2 XL ប្រើរលកសំឡេងដើម្បីរកមើលថាតើនរណាម្នាក់មានស្ពាយនូវកាំភ្លើងឬអាវុធជាតិផ្ទុះនៅជាប់នឹងខ្លួនឬអត់ ក្រោយមកបញ្ជូនសញ្ញាតាមរយៈកម្មវិធី SWORD មានបើកឲ្យទាញយកលើប្រព័ន្ធ iOS និង Android។ នេះបើយោងតាមការចុះផ្សាយពីសារព័ត៌មាន CNET។
បញ្ជាក់បន្ថែមពីស្ថាបនិកក្រុមហ៊ុន Royal Holdings លោក Barry Oberholzer បានមានប្រសាសន៍ថា៖ "កម្មវិធីនេះអាចធ្វើត្រួតពិនិត្យថាតើមនុស្សមានស្ពាយជាប់នូវអាវុធគ្រោះថ្នាក់ឬគ្រឿងផ្ទុះណាមួយឬអត់ ហើយនឹងមានសញ្ញាចាប់សម្គាល់ទៅលើទីតាំងនោះ ខណៈយើងក៏កំពុងប្រើប្រាស់បច្ចេកវិទ្យា AI ដើម្បីពង្រឹងលើសមត្ថភាពដ៏ពិសេសនេះ"។
ប្រភពដដែលបន្តមានការកុម្ម៉ង់ទិញជាង ៨ ០០០ ដង ហើយជាមួយ Case តម្លៃ ១ ២៥០ ដុល្លារមួយនេះ ប៉ុន្តែផ្អែកតាមចង្វាក់ផលិតកម្មអាចពន្យារពេលដល់ខែសីហា មុនចេញលក់ជាផ្លូវការក្នុងអំឡុងឆ្នាំ ២០១៩។
ទស្សនាវីដេអូ:
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
តេស្តស្តែងៗ iOS 12 Beta ពិតជាដើរលឿនមែន សូម្បីនៅលើ iPhone 5S
កុំសួររឿងតម្លៃ ទូទឹកកកទាំង ៥ ម៉ូដែលនេះ អ្នកអត់លុយ ក៏ហ៊ានចំណាយដែរ