ភ្ញាក់ផ្អើល នាយយ៉ាន ការប្រពន្ធ ស្ងាត់ៗ?

2018-06-11 04:54:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានម៉ោងមុខនេះ អតីតតារាកំប្លែង សញ្ជាតិបារាំងនាយ យ៉ាន បានធ្វើឲ្យអ្នកគាំទ្ររបស់លោកភ្ញាក់ផ្អើលមិនតិចឡើយ ពេលដែលលោកបានបង្ហោះរូបរៀបការជាមួយស្ត្រីខ្មែរម្នាក់។

ក្នុងឈុតអាពាហ៍ពិពាហ៍ប្រពៃណីខ្មែរ ប្លង់ចងដៃ និងព្រះថោងតោងស្បៃនាងនាគ នាយ យ៉ាន បានសរសេរថា My wedding with Tith Ma Riya ដែលធ្វើឲ្យអ្នកលេងបណ្ដាញសង្គម ជាពិសេសអ្នកគាំទ្ររបស់លោកភ្ញាក់ផ្អើលមិនតិចឡើយ ដោយម្នាក់បានចូលរួមជូនពរ ត្រេកអរជាមួយនាយ និង អ្នកខ្លះទៀត បានសួទៅវិញថា ជាការថតកុន ឬយ៉ាងណា។ ក្នុងជំនួបជាមួយSabay តារាកំប្លែងជនជាតិបារាំង ដែលមកស្នាក់នៅប្រទេសកម្ពុជាជាច្រើនឆ្នាំហើយ នៅមិនទាន់ទទួលបានសញ្ជាតិខ្មែររូបនេះ បានបញ្ជាក់ឲ្យដឹងថា រូបភាពនោះគឺជាការសម្ដែងប៉ុណ្ណោះ មិនមែនលោកការមែនទែនឡើយ។

អតីតតារាកំប្លែងក្នុងក្រុមCTN រូបនេះបានបន្តឲ្យថា លោកបានកំពុងតែថតខ្សែភាពយន្តមួយមានចំណងជើងថា "សមុទ្រទឹកភ្នែក" ឲ្យស្ថានីយទូរទស្សន៍ក្នុងស្រុកមួយ ដោយការថតប្លង់រៀបការនោះ បានថតកាល៣ថ្ងៃមុន នៅក្រុងតាខ្មៅ ខេត្តកណ្តាល។

រឿងរៀបការមែនទែន នាយ យ៉ាន បញ្ជាក់ថា ខ្លួនសូម្បីតែគិតក៏មិនហ៊ានគិតដែរ សុខចិត្តនៅទំនេរ ព្រោះមិនមានលទ្ធភាពក្នុងការរៀបការនៅឡើយ ទាំងពេលពេលវេលា និងប្រាក់កាសជាដើម។

ងាកមកការងារសិល្បៈវិញ ក្រៅពីការសម្ដែងរឿងខ្លីៗ នាយ យ៉ាន ប្រាប់ថា លោកបានថតភាពយន្តបាន៦រឿងមកហើយ៕

អត្ថបទៈ ស៊ុនហួត

រូបភាពៈ ហ្វេសប៊ុក នាយយ៉ាន