ចង់ផ្ញើ Email ទៅ Bill Gates កុំគិតថាពិបាក អាចធ្វើបានយ៉ាងងាយ

2018-06-15 03:30:44
ចំនួនមតិ 0 | ចំនួនចែករំលែក 0

ចន្លោះមិនឃើញ

តើអ្នកធ្លាប់គិតថាមានរឿងរ៉ាវឬបញ្ហាណាមួយ ចង់រាយការណ៍ទៅមហាសេដ្ឋីលោក Bill Gates ដែរឬទេ? មានមនុស្សតិចណាស់ដែលបានដឹងពីអាសយដ្ឋាន Email បើកឲ្យផ្ញើចូលជាសាធារណៈរបស់បុរសមានដើមកំណើតនៅរដ្ឋ Washington រូបនេះ។

ជារឿងងាយមនុស្សរាល់គ្នាអាចផ្ញើ Email ទៅកាន់លោក Bill Gates តាមរយៈអាសយដ្ឋាន billg@microsoft.com ។ ដើមឡើយអាសយដ្ឋាននេះបង្កើតឡើងក្នុងថ្ងៃទី ១៦ កក្កដា ឆ្នាំ ១៩៨២ ជាមួយនឹងប្រព័ន្ធ LAN ថ្មី តភ្ជាប់ទៅកាន់ម៉ាស៊ីនអភិវឌ្ឍទាំងអស់នៅការិយាល័យ Microsoft ហើយឲ្យឈ្មោះថា MILAN លុះក្រោយមក Gates ក៏សម្រេចយក Email នេះ មកប្រើប្រាស់ជាលក្ខណៈផ្ទាល់ខ្លួនតែម្តង។

សារដែលអ្នកផ្ញើចេញទៅលោក Bill Gates នឹងត្រូវបានបើកអាន ប៉ុន្តែគ្រាន់ថាតើនរណាជាអ្នកអានយ៉ាងពិតប្រាកដ ព្រោះក្នុងកាលៈទេសៈខ្លះនឹងមានបុគ្គលិកជំនិតណាម្នាក់នៅការិយាល័យរបស់ Gates បានបើកមើល ប៉ុន្តែក្នុងលក្ខខណ្ឌសារជារឿងចាំបាច់ នឹងធ្វើការផ្ញើបន្តភ្លាមទៅកាន់លោកឲ្យបានដឹង។

យ៉ាងណាមិញនេះក៏ខុសពី Emails របស់ស្ថាបនិក Apple លោក Steve Jobs ដោយសារមួយចំនួន Gates រមែងឆ្លើយតបជាសាធារណៈ។ ធ្លាប់បានបង្ហើបឲ្យដឹងកាលពីឆ្នាំ ២០១៣ ក្នុងកិច្ចសម្ភាសន៍ជាមួយសារព័ត៌មាន US Today លោកថាទទួលបាន Emails យ៉ាងច្រើនត្រឹម ៤០ ឬ ៥០ ប៉ុណ្ណោះ ក្នុងមួយថ្ងៃ ប៉ុន្តែទល់បច្ចុប្បន្នមិនទាន់ប្រាកដពីតួលេខច្បាស់ការនៅឡើយ។

បញ្ជាក់ថាអ្នកត្រូវប្រយ័ត្នជៀសវាងចាញ់ល្បិចកលសារបោកបញ្ឆោត ដោយប្រើប្រាស់ឈ្មោះរបស់ Bill Gates ថាអ្នកបានឈ្នះរង្វាន់ ហើយទាមទារឲ្យអ្នកផ្ញើលុយត្រលប់ទៅវិញឬត្រូវរងគ្រោះដោយប្រការណាមួយ។