៥ ចំណុចត្រូវដឹង មុនទៅទិញទូរសព្ទមួយទឹកប្រើ ប្រយ័ត្នចោលលុយ

2018-06-21 02:42:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ទូរសព្ទមួយទឹកនៅតែមានតម្រូការសម្រាប់អ្នកប្រើប្រាស់។ ជាមួយគុណភាពនៅអាចប្រើប្រាស់បាន ជាជម្រើសសម្រាប់អ្នកមានលុយល្មមៗប្រាក់ខែតិចតួច។ មុនពេលទិញរបស់មួយទឹកទាំងនេះអ្នកក៏ត្រូវដឹងផងដែរកុំឲ្យទិញទៅហើយ ស្ដាយលុយនិងបានរបស់មិនល្អតាមចិត្តត្រូវការ។

ខាងក្រោមនេះជាចំណុចដែលអ្នកចង់ទិញទូរសព្ទមួយទឹកគួរធ្វើមុនពេលទិញ៖

ឆែកម៉ាកទូរសព្ទ

ការឆែកមើលស៊េរីទូរសព្ទសំខាន់ណាស់ សម្រាប់អ្នករកទិញទូរសព្ទមួយទឹកប្រើ បើគួរជ្រើសយកស៊េរីចុងក្រោយបន្តិច។ ឧទាហរណ៍បើទូរសព្ទចេញដល់ស៊េរី iPhone X អ្នកគូរទិញមួយទឹកត្រឹម iPhone 7/7Plus ឬក៏iPhone 8/8Plus ព្រោះថាស៊េរីនេះនៅមានគុណភាពល្អច្រើន មិនសូវមានអ្នកប្រើយូរនិងអាច Update Version ជំនាន់ក្រោយបានស្រួល។ ណាមួយអាចមានអ្នកប្រើតែមួយម្ចាស់ មិនដូចស៊េរីទាបជាងអាចមានអ្នកប្រើ ២ ទៅ៣ម្ចាស់ក៏មានធ្វើទូរសព្ទនេះធ្លាក់គុណភាពខ្លាំង។

រកអ្នកជំនាញឲ្យជួយមើល

ទៅទិញទូរសព្ទឆៅៗក៏ជារឿងមិនល្អដែរ ព្រោះថាបើអ្នកមិនចេះមើលអាចទិញខុស ប៉ះចំទូរសព្ទមួយទឹកខូចខ្លាំង ចូលទឹកពីមុន ជាងប្ដូរគ្រឿងថ្មី។ នាំអ្នកជំនាញទៅជួយមើលទុកចិត្ត អាចទទួលបានរបស់ល្អហើយអ្នកលក់ក៏មិនហ៊ានធ្វើស៊ីផ្តេសផ្តាសដែរ។

ជ្រែទីផ្សារឲ្យអស់ចិត្ត

មុនពេលទិញគួរដើរជ្រែឲ្យបានច្រើន ឆែកតម្លៃពីហាងមួយទៅហាងមួយខុសគ្នាយ៉ាងណា។ ត្រូវចាំថា អ្នកលក់កម្រដាក់របស់ល្អឲ្យយើងរើសមុនណាស់ បើសិនជាយើងមើលមិនត្រូវអ្នកលក់អាចយករបស់ថ្មី ព្រោះប្រភេទទូរសព្ទមួយទឹក មានច្រើនមិនចាំបាច់ភ័យអស់របស់ទិញនេះទេ។

របស់មានស្តង់ដារត្រូវមានប្រភពលក់ច្បាស់លាស់

ចំណុចនេះសំដៅប្រភពទូរសព្ទដូចជាប្រទេសផលិត ព្រោះដឹងស្រាប់ហើយអ្នកប្រើប្រាស់ស្រុកយើងមិនត្រឹមតែស៊ីម៉ាក ស៊ីដល់ប្រភពប្រទេសផលិតទៀត ព្រោះមានទីផ្សារខ្ពស់នៅពេលទិញ ឬលក់ចេញវិញ។

មួយទឹកមែន តែកុំភ្លេចឲ្យគេធានា

ក្រោយពេលធ្វើតេស្តសំឡេង រន្ធកាស សាកថ្ម ដំណើរការស៊ីមល្អ ថាមពលថ្ម កាមេរ៉ា បានរបស់ពេញចិត្តបើទោះបីជារបស់មួយទឹក ក៏ត្រូវមានការធានាពីហាងមួយឬ២សប្ដាហ៍ដែរ ព្រោះនៅពេលទូរសព្ទនោះមានបញ្ហាក្នុងអំឡុងពេលនោះងាយស្រួលយកមកឲ្យអ្នកលក់ជួសជុលវិញ។ វាជាទំនុកចិត្តមួយនៅពេលអ្នកទិញរបស់មួយទឹក។