ចាញ់យប់មិញអ្នកគាំទ្រខឹងគ្រូអាហ្សង់ទីន មានទាំងស្ដោះទឹកមាត់ និងគប់ដប
- 2018-06-22 03:40:57
- ចំនួនមតិ 0 | ចំនួនចែករំលែក 0
ចាញ់យប់មិញអ្នកគាំទ្រខឹងគ្រូអាហ្សង់ទីន មានទាំងស្ដោះទឹកមាត់ និងគប់ដប
ចន្លោះមិនឃើញ
ក្រោយបរាជ័យដ៏មិនគួរឲ្យជឿរបស់អាហ្សង់ទីនក្រោមស្នាដៃរបស់ក្រូអាតរហូត៣ទល់នឹង០នោះ អ្នកគាំទ្រនៅជុំវិញពិភពលោកមានការខឹងសម្បារយ៉ាងខ្លាំង។
នៅលើ Twitter មានការបញ្ចេញមតិរិះគន់នានាដោយខ្លះដាក់កំហុសលើ Lionel Messi ដោយឲ្យខ្សែប្រយុទ្ធឆ្នើមវ័យ៣១ឆ្នាំចូលនិវត្តន៍ម្ដងទៀតពីក្រុមជម្រើសជាតិ។ មិនខុសពីអ្នកគាំទ្រលើអនឡាញអ្នកដែលទៅទស្សនាផ្ទាល់ឯណោះវិញបានប្រតិកម្មខ្លាំង លើកីឡាករពិសេសគឺគ្រូបង្វឹកតែម្ដង។
ប្រភពព័ត៌មានមួយចំនួនអះអាងថាក្រោយចប់ការប្រកួតលោក Jorge Sampaoli ជាគ្រូបង្វឹកត្រូវអ្នកគាំទ្រនៅកីឡដ្ឋានផ្ទាល់ស្រែកជេរ មានទាំងការស្ដោះទឹកមាត់ និងគប់ដបទឹកដាក់។ យ៉ាងណាក្រោមការជួយអន្តរាគមន៍ពីសន្តិសុខការពារសុវត្ថិភាពបុរសវ័យ ៥៨ឆ្នាំមិនមានបញ្ហាអ្វីធ្ងន់ធ្ងរលើសពីនេះទេ៕